Prezıdent • 26 Qarasha, 2022

Toqaev zańsyz shyǵarylǵan aktıvterdi qaıtarý týraly zańǵa qol qoıdy

35 ret kórsetildi

Memleket basshysy elden zańsyz shyǵarylǵan aktıvterdi memleketke qaıtarý jónindegi sharalar týraly zańǵa qol qoıdy, dep habarlaıdy Egemen.kz Aqordanyń baspasóz qyzmetine silteme jasap.

«Qazaqstan Respýblıkasynyń Prezıdenti týraly» Qazaqstan Respýblıkasy Konstıtýsııalyq zańynyń 21-babyna sáıkes, elden zańsyz shyǵarylǵan aktıvterdi Qazaqstan Respýblıkasyna qaıtarý, sondaı-aq zańsyz jolmen alynǵan aktıvterdi (budan ári – zańsyz shyǵarylǵan aktıvter) anyqtaý jáne olardy memleketke qaıtarý maqsatynda QAÝLY ETEMIN:

1. Qazaqstan Respýblıkasynyń Úkimeti Qazaqstan Respýblıkasynyń Bas prokýratýrasymen, Qazaqstan Respýblıkasynyń Ulttyq Bankimen, Qazaqstan Respýblıkasynyń Ulttyq qaýipsizdik komıtetimen, Qazaqstan Respýblıkasynyń Sybaılas jemqorlyqqa qarsy is-qımyl agenttigimen (Sybaılas jemqorlyqqa qarsy qyzmetpen), Qazaqstan Respýblıkasynyń Qarjylyq monıtorıng agenttigimen, Qazaqstan Respýblıkasynyń Qarjy naryǵyn retteý jáne damytý agenttigimen, «Samuryq-Qazyna» ulttyq ál-aýqat qory» aksıonerlik qoǵamymen jáne basqa da múddeli memlekettik organdarmen jáne uıymdarmen birlesip, 2023 jylǵy 31 naýryzǵa deıin:

1) zańmen retteletin quqyq qatynastarynyń sýbektilerin anyqtaýǵa;

2) zańsyz shyǵarylǵan aktıvterdiń shyǵý tegin ashý, rastaý jáne olardy qaıtarý tetikterin reglamentteýge;

3) zańsyz shyǵarylǵan aktıvterdi qaıtarý rásimderiniń ashyqtyǵyn qamtamasyz etýge;

4) zańsyz shyǵarylǵan aktıvterdi memleketke óz erkimen berýdi yntalandyrýǵa;

5) aktıvterdi zańsyz shyǵarýǵa yqpal etken sebepter men sharttardy joıýǵa baǵyttalǵan júıeli sharalardy qabyldaýǵa;

6) ókilettikterin aıqyndaı otyryp, zańsyz shyǵarylǵan aktıvterdi qaıtarý máseleleri jónindegi konsýltatıvtik-keńesshi organdy qurýǵa;

7) kelip túsetin zańsyz shyǵarylǵan aktıvterdi jınaqtaıtyn jáne olardy Qazaqstan halqynyń ál-aýqatyn arttyrýǵa baǵyttalǵan áleýmettik jáne ekonomıkalyq jobalardy qarjylandyrý úshin basqaratyn arnaýly memlekettik qordy qurýǵa baǵyttalǵan Qazaqstan Respýblıkasy Zańynyń jobasyn ázirlesin jáne Qazaqstan Respýblıkasy Parlamenti Májilisiniń qaraýyna engizsin.

2. Qazaqstan Respýblıkasynyń Bas Prokýrory Qazaqstan Respýblıkasy Bas prokýratýrasynyń qurylymynda zańsyz shyǵarylǵan aktıvterdi qaıtarý boıynsha jeke bólimshe qurý jóninde usynys engizsin.

3. Qazaqstan Respýblıkasynyń Úkimeti Qazaqstan Respýblıkasynyń Bas prokýratýrasymen jáne basqa da múddeli memlekettik organdarmen birlesip, zańsyz shyǵarylǵan aktıvterdi anyqtaý jáne memleketke qaıtarý úshin shet eldermen jáne halyqaralyq uıymdarmen, onyń ishinde halyqaralyq quqyqtyq kómek sheńberindegi tıimdi ózara is-qımyldy júıeli negizde qamtamasyz etsin.

4. Qazaqstan Respýblıkasynyń quqyq qorǵaý jáne arnaýly memlekettik organdary zańsyz shyǵarylǵan aktıvterdi qaıtarýǵa mamandanatyn bólimshelerdi aıqyndasyn.

5. Qazaqstan Respýblıkasynyń Úkimeti jáne Qazaqstan Respýblıkasynyń Prezıdentine tikeleı baǵynatyn jáne esep beretin memlekettik organdar, sondaı-aq ózge de uıymdar osy Jarlyqty iske asyrý boıynsha sharalar qabyldasyn.

6. Osy Jarlyqtyń oryndalýyn baqylaý Qazaqstan Respýblıkasy Prezıdentiniń Ákimshiligine júktelsin.

7. Osy Jarlyq qol qoıylǵan kúninen bastap qoldanysqa engiziledi.

 

Qazaqstan Respýblıkasynyń

                 Prezıdenti                                                     Q.Toqaev

 

Astana, Aqorda, 2022 jylǵy 26 qarasha

                           № 3           

Sońǵy jańalyqtar

Demalys kúnderi aýa raıy qandaı bolady?

Aýa raıy • Búgin, 10:38

Uqsas jańalyqtar