Aımaqtar • 26 Qarasha, 2022

Shymkentte 135 sarbaz ant qabyldady

77 ret kórsetildi

Shymkenttegi «Ońtústik» óńirlik qolbasshylyǵynyń mehanıkalandyrylǵan brıgadasynyń 135 jaýyngeri Otanyna adal bolýǵa ant berdi. Saltanatty shara áskerı bólimniń saptyq alańynda ótti, dep habarlaıdy Egemen.kz.

Trıbýnadan brıgada komandıri podpolkovnık Dastan Muhamedjanov, sondaı-aq ardagerler uıymdarynyń ókilderi men ata-analar quttyqtaý sóz sóılep izgi tilekterin aıtty.

Áskerı rásimdi ótkizý úshin qonaqtar men komandırleriniń sózinen keıin qolynda qarýy bar sarbazdar óz boryshyn laıyqty oryndaýǵa, el bostandyǵy, táýelsizdigi men konstıtýsııalyq qurylysyn, halyqty jáne zańdy túrde saılanǵan Qazaqstan Respýblıkasynyń Prezıdentin batyl qorǵaýǵa ant berdi.

Prezıdenttiń ınaýgýrasııasymen sáıkes kelgen ant berý rásimi jas sarbazdar men olardyń ata-analaryna bul kúndi este saqtaýdyń qosymsha sebep boldy. Olardyń aıtýynsha, mundaı sáıkestik jáne jaqynda qol qoıylǵan qorǵanys vedomstvosy men joǵarǵy oqý oryndary arasyndaǵy kelisimder jaqsy qyzmet úshin tamasha yntalandyrý bolyp sanalady jáne armııadan keıingi ómirlerine jaqsy tramplın bolady.

- Búkil elimiz úshin osy tarıhı kúni áskerı ant qabyldaý rásimin ótkizý baqytyna ıe boldyq. Bul bir jyl ishinde naǵyz jaýynger bolýǵa múmkindik alǵanymyzdy bildiredi, - dep Almaty qalasynan shaqyrylǵan qatardaǵy jaýynger Mıras Tursynjan óz áserimen bólisti.  

Qostanaı oblysynan kelgen Elena Matıýhova úshin bul kún ómirinde erekshe oryn aldy. Sebebi Elenanyń úlken uly Maksım osy jyldyń kókteminde Shymkenttiń mehanıkalandyrylǵan brıgadasyna shaqyryldy, al alty aıdan keıin inisi Danııl da sol bólimge sarbaz bolyp keldi.

- Jeke ózim úshin bul kún erekshe boldy, óıtkeni meniń ulym Danııl, osy jyldyń kókteminde shaqyrylǵan úlken aǵasy Maksım sııaqty, ant qabyldady, Otannyń naǵyz qorǵaýshysy boldy. Biz, ata - analar, áskerı bólimniń komandırleri men serjanttaryna, olardyń jumystaǵy úılesimdiligi, uldarymyzǵa degen uıymshyldyǵy men janashyrlyǵy úshin óte rızamyz jáne alǵysymyz sheksiz, - deıdi eki sarbazdyń anasy Elena Matıýhova.

Ant berip, saltanatty sherýmen ótkennen keıin sarbazdar daıyndaǵan qoıylymdarymen, qarý-jaraqpen saptyq amaldardy oryndap óner kórsetip, áskerı defıle jasady. Munyń bárin olar ótken bir aı ishinde úırengen bolatyn.

Sońǵy jańalyqtar

Prezıdent qolónershiler kórmesin aralady

Prezıdent • Búgin, 21:01

Uqsas jańalyqtar