Álem • 27 Qarasha, 2022

Túrkııada «Qazaq-túrik baýyrlastyǵy» eskertkishi ashyldy

132 ret kórsetildi

Keshe Túrkııanyń Ystanbul qalasynda, Baǵjylar aýdanynda «Qazaq-túrik baýyrlastyǵy» eskertkishi saltanatty túrde ashyldy, dep habarlaıdy Egemen.kz.

Altaıdan Anadolyǵa qonys aýdarǵan qazaqtardyń Túrkııa memleketin mekendeýine 70 jyl tolǵan mereıtoı qarsańynda boı kótergen bul eskertkish eki el arasyndaǵy týystyq, dostyq qarym-qatynastyń aıryqsha belgisi ekeni anyq.

Is-sharany Qazaqstannyń Túrkııadaǵy Tótenshe jáne О́kiletti elshisi Erkebulan Sápıev saltanatty túrde ashyp berdi. Baǵjylar aýdanynyń meri Abdýlla Ozdemır myrza Túrkııada turyp jatqan qazaq ultyna óz rızashylyǵyn bildirip, quttyqtaýyn jetkizdi. 

О́z kezeginde Qazaqstan Respýblıkasy Parlamenti Senatynyń depýtaty, Halyqaralyq qatynastar, qorǵanys jáne qaýipsizdik komıtetiniń múshesi Murat Baqtııaruly sóz sóılep, qazaq ultynyń qıly tarıhyna toqtalyp, túrik halqynyń baýyrlastyǵyn tilge tıek etti. «Birlik» qazaq jastary uıymynyń tóraǵasy Aslan Serik qazaqtyń qara dombyrasymen «Qazaq osy» ánin oryndap, jınalǵan qaýymnyń yqylasyna bólendi.

Budan soń, «Otandastar qory» KeAQ Prezıdenti Abzal Saparbekuly Qazaqstan men Túrkııanyń araqatynasyna toqtalyp, birligi bekem memleketter ekenin aıtyp ótti. Sonymen qatar Baǵjylar aýdanynyń ákimine shapan jaýyp arnaıy syılyq tabystady.

Eskertkish avtory «Qazaqstannyń Eńbek sińirgen qaıratkeri», QR Kórkemsýret Akademııasynyń birinshi-vıse prezıdenti, belgili sýretshi, rejısser, telejýrnalıst - Januzaq Músápir myrza eskertkishtiń jasalýy men tarıhyn tanystyrdy.

Eskertkishtiń ashylý rásiminen keıin Qazaq kóshiniń 70–jyldyǵyna oraı uıymdastyrylǵan «Uly kósh» taqyrybynda fotosýretter men QR Joǵary oqý oryndarynyń bilim kórmesimen tanysý uıymdastyrylyp, jıynǵa jınalǵan qaýym estelikke sýretke tústi.

Sońǵy jańalyqtar

Demalys kúnderi aýa raıy qandaı bolady?

Aýa raıy • Búgin, 10:38

Uqsas jańalyqtar