«Memleket basshysynyń Jarlyǵymen Aıbek Arqabaıuly Dádebaev Qazaqstan Respýblıkasy Prezıdentiniń Is basqarýshysy laýazymyna taǵaıyndaldy», delingen habarlamada.
Aıbek Dádebaev 1980 jyly 1 sáýirde Almaty qalasynda dúnıege kelgen.
2001-2002 jyldary Qazaq memlekettik halyqaralyq qatynastar jáne álem tilderi ýnıversıtetiniń halyqaralyq týrızm menedjmenti kafedrasynda oqytýshy bolyp jumys istegen.
2008-2011 jyldar aralyǵynda Qazaqstan Respýblıkasy Parlamenti Senaty Apparatynyń parlamentaralyq baılanys jáne halyqaralyq yntymaqtastyq bóliminiń sarapshysy, Senat tóraǵasynyń kómekshisi mindetin atqarýshy bolyp eńbek etken.
2011-2013 jyldar aralyǵynda attashe, Jenevada Qazaqstan Respýblıkasynyń BUU-daǵy turaqty ókildiginiń úshinshi hatshysy bolǵan.
Odan keıin alty jyl Parlament Senaty tóraǵasy hatshylyǵy meńgerýshisiniń orynbasary, meńgerýshisi laýazymdaryn atqarǵan.
2019-2021 jyldar aralyǵynda Prezıdent Keńsesi bastyǵynyń orynbasary boldy.
2021 jylǵy 28 mamyrdan bastap 2022 jylǵy 11 qańtarǵa deıin Prezıdent Is Basqarýshysynyń orynbasary laýazymynda qyzmet atqardy.
