Paneldik sessııada Ilııas Ospanov dástúrli forým ekijaqty yntymaqtastyqtyń mańyzdy alańyna aınalǵanyn atap ótti. Forým aıasynda qazaqstandyq jáne reseılik óndirýshiler ózara baılanys ornatyp, ónerkásip sektorynda jańa jobalar júzege asyrylýda.
«Búgingi tańda ekijaqty kooperasııa nátıjesinde 601 mln AQSh dollaryna 25 joba júzege asyrylyp, 4 myń jumys orny quryldy. Qazirgi ýaqytta 11,8 mlrd AQSh dollaryn quraıtyn 24 joba júzege asyrý satysynda tur. О́ndiris oshaqtarynda 8 myń jumys ornyn qurý kózdelip otyr. Budan bólek 61 joba qarastyrylyp jatyr», dedi komıtet basshysy.
Orynbor oblysy Qazaqstan-Reseı shekarasynyń eń uzyn bóligin quraıtyn aımaqtyń shekara mańyndaǵy jaǵdaıyna baılanysty eń mańyzdy strategııalyq seriktes ekenin aıta ketý kerek.
«Bıyl qańtar-tamyz aılarynda Qazaqstan men Orynbor oblysy arasyndaǵy taýar aınalymy 300 mln AQSh.dollaryn qurady, bul ótken jyldyń sáıkes kezeńimen salystyrǵanda 1,5 ese joǵary. Biz usynǵan baǵyttar boıynsha óz tarapymyzdan jobalardy jan-jaqty pysyqtap, bastamalardy iske asyrý úshin qarjylyq jáne qarjylyq emes quraldar arqyly qoldaý kórsetýge daıynbyz», dedi Ilııas Ospanov.
