Medısına • 28 Qarasha, 2022

JITS: aýrýdyń aldyn alýǵa arnalǵan onkúndik

54 ret kórsetildi

Jyl saıyn 1 jeltoqsanda Dúnıejúzilik densaýlyq saqtaý uıymy, Birik­ken Ulttar Uıymy, qoǵamdyq birlestikter men úkimetter AITV/JITS-ke qarsy kúres kúnin ótkizedi. Iаǵnı qaýipti ınfeksııanyń aldyn alý jáne eńserý maqsatynda bul kúni álem bar kúsh-jigerin salady. Osyǵan baılanysty bıyl Astanada JITS-pen kúres kúnine arnalǵan onkúndik ótip jatyr.

Bıyl 21 qarasha men 1 jeltoqsan aralyǵynda Dúnıejúzilik JITS-pen kúreske baǵyttalǵan onkúndikte aýqymdy is-sharalar ótkiziledi. Belgilengen kún aralyǵynda qala turǵyndaryn, ásirese jastar arasynda AITV ınfeksııasynyń aldyn alý máseleleri jan-jaqty qaralady. Basty maqsat – qaýipsizdikti qalyptastyrý boıynsha kemsitýshilikti joıý jáne barlyq múddeli taraptardyń vedomstvoaralyq ózara is-qımylyn nyǵaıtý. Atap aıtqanda, 28 qarashada Facebook jelisiniń tikeleı efırinde elordalyq AITV ınfeksııasynyń aldyn alý ortalyǵynyń mamandary taqyryptyq baıandama jasasa, bir kúnnen keıin Qazaq ulttyq óner ýnıversıtetinde stýdentter arasynda aýqymdy aksııa ótedi. Qala turǵyndaryna, ásirese halyq kóp jınalatyn oryndar – temir jol vokzaldarynda, saýda-oıyn-saýyq úılerinde AITV ınfeksııasynyń aldyn alý týraly mamandardyń tegin keńesi beriledi. Halyqqa bilim berý mate­rıaldaryn taratý men psıhoáleýmettik qoldaý kórsetilip, «AITV-ǵa test tapsyryńyz» aksııasy sheńberinde ekspress-testileý ótkiziletin bolady.

Sondaı-aq AITV ınfeksııasynyń aldyn alý ortalyǵynda tirkelgen, AITV-men ómir súretin az qamtylǵan otbasylarǵa azyq-túlik jıyntyǵy beriledi. Barlyq is-sharalar úkimettik emes uıymdar, Qazaq ulttyq óner ýnıversıteti, qalalyq qoǵamdyq densaýlyq saqtaý jáne bilim basqarmalarymen birlesip ótkiziledi. Onkúndiktiń qorytyndysy 1 jeltoqsanda shyǵarylady.

Sońǵy jańalyqtar

Qyrǵyzdyń óńindeı...

О́ner • Búgin, 08:35

Áleýmettik jobalardyń áleýeti

Úkimet • Búgin, 00:01

Abyroıly Aǵzam aqsaqal

Aýyl • Keshe

Taǵy da tarıf týraly

Aımaqtar • Keshe

Qoldan shapqan qobyz

Rýhanııat • Keshe

Kúlánda apa

Eń qysqa áńgime • Keshe

Alash at tarıhy

Qoǵam • Keshe

Bir óleńniń tarıhy

Ádebıet • Keshe

Sultanmahmut jeńisi

Ádebıet • Keshe

Dala men daryn

Tarıh • Keshe

Uqsas jańalyqtar