«Myń bala» jeńimpazdary

Bıyl segizinshi márte ótip otyr­ǵan jobanyń maqsaty – túrli etnostyq toptardyń mektep jasyna deıingi balalary men mektep oqýshylary memlekettik tildi meńgerý arqyly ulttyq qundylyqtarymyzdy boıyna sińirip, qazaqstandyq biregeılik pen birlikti damytýǵa úles qosý.

Saltanatty sharanyń ashylýynda Aqparat jáne qoǵamdyq damý mınıstri Darhan Qydyráli bıylǵy jobanyń máni de, mańyzy da bólek ekenin erekshe atap óti.

–­ El Prezıdenti bıylǵy Qa­zaq­stan halqyna arnaǵan Jolda­ýyn­da memlekettik tilimizdiń ósip-órkendep, bilim, ǵylym, mádenıet jáne iskerliktiń tiline aınalyp kele jatqanyn atap ótti. Sony­men qatar qazaq tiliniń tek memleket­tik emes, halyqaralyq tilge aına­lýyn basa aıtqan bolatyn. Biz búgin sonyń kýási bolyp otyrmyz. Shyn máninde, til – ultty uıystyratyn faktordyń biri. Búgin memlekettik tildi bilýge umtylǵan jastardy kórip, qýanyp otyrmyz. О́ıtkeni til arqyly bizdiń tilegimiz de, júregimiz de bir. El birligi til bir­liginen bastaý alady. Keıingi jyldary elimizdegi barlyq etnos ókilderi memlekettik tildi meń­gerýge úlken qulshynys tanytyp júrgeni – sonyń aıǵaǵy. Sondyqtan mınıstrlik óz tarapynan birqatar jobany qolǵa aldy. Sonyń biri Tik-Tok syndy álemge áıgili kompanııanyń me­ned­jerimen kezdesip, áleýmettik jelide qazaqsha kontenttiń áleýe­tin arttyrýdy kózdegen jobany aıtýǵa bolady, – dedi mınıstr.

Odan keıin sóz alǵan Qazaq­­stan halqy assambleıasy tóraǵasy­­­­nyń orynbasary, Prezıdent ­Ákim­shi­li­gi Qazaqstan halqy assam­bleıasy hatshylyǵynyń meńge­rý­shisi Marat Ázilhanov «Myń bala» jobasynyń búgin­de úlken qozǵalysqa aınalǵa­nyn aıta kelip, osy segiz jyl ishindegi bar­lyq jeńimpazdyń basyn qosyp, jurtshylyqpen taǵy bir júzdestirsek degen usynysyn jet­kizdi. Sondaı-aq Parlament Májilisiniń depýtaty, qalam­ger Saýytbek Abdrahmanov qazaq úshin tilden artyq baılyq, til­den ar­tyq qudiret, tilden artyq qazy­na joq ekenine mańyz ber­di. «Biz­diń halqymyz ónerdiń bar­lyq túri­nen sóz ónerin bıik kórdi. Keshe ǵana saltanatty ulyq­­taý rásiminde Prezıdentimiz Qasym-Jomart Toqaev: «Kók baıraǵymyz, tólqujatymyz jáne memlekettik tilimiz bizdiń birtutas halyq ekeni­mizdi aıǵaqtaıdy», dedi. Osy úsh uǵym­nyń biregeıi – memlekettik til. Memlekettik tildi ardaqtap, osy elge, jerge degen qurmetin bil­dir­gen jastarǵa biz shyn razy­lyqpen alǵysymyzdy aıtamyz» dese, Parlament Májilisiniń depýtaty Natalıa Dementeva da mem­le­kettik til týraly parasatty oı órbitip, qatysýshylarǵa izgi lebizin bildirdi.

Sonymen joba aıasyndaǵy «О́nerli órge júzer», «О́ner aldy qyzyl til», «Jarqyra jas daryn!» atty baıqaýlar boıyn­sha memlekettik tilde án salyp, jyr oqyp, dombyramen kúı tók­ken órender arasynan jeńim­pazdar anyqtalyp, olar baǵaly syılyqtarǵa ıe boldy.

Aıta keteıik, 2015-2022 jyldar aralyǵynda atalǵan joba sheńberinde elimizde 107 myńnan asa is-shara uıymdastyrylyp, oǵan 2,5 mıllıonnan asa bala qatysqan.