Júk vagondary parki tozýdyń ortasha deńgeıimen alǵanda 43%-dy quraıdy. Iаǵnı 132 myń birlikten turady. Jalpy salaǵa memlekettik qoldaý kórsetiledi.
Jyl basynan beri «Qaztemirtrans» AQ-nyń menshigindegi 7012 júk vagonynda depo jóndeý jumystary júrgizildi.
Olardy jóndeý úshin jyl saıyn vagon parkiniń jaǵdaıy eskeriledi. Paıdalanylatyn vagon parkiniń tehnıkalyq jaı-kúıi vagondardyń senimdiligimen, josparly jóndeý túrleriniń sapasymen jáne basqa da sıpattamalarymen aıqyndalady.
«2020 jyldan bastap «Qaztemirtrans» AQ-nyń menshigindegi júk vagondaryn jóndeý «Temirtransservıs» JShS tulǵasynda zańdy tulǵalardyń ýaqytsha birlestigimen («Temirtransservıs» JShS jáne «AstanaRailwayServices» JShS) jasalǵan júk vagondaryna servıstik qyzmet kórsetý boıynsha jumystardy uzaq merzimdi satyp alý týraly shart arqyly júrgiziledi. Bul birqatar negizgi emes fýnksııany alyp tastaýǵa jáne jumys istemeıtin parktiń ósý qaýpin azaıtýǵa múmkindik berdi», dep jazylǵan habarlamada.
– 2022 jylǵy 20 qarashadaǵy jaǵdaı boıynsha júk vagondaryna kúrdeli jóndeý júrgizildi. Naqtyraq aıtsaq, 575 vagon jóndeldi. 2022 jylǵa barlyǵy 641 vagondy kúrdeli jóndeýden ótkizý josparlanyp otyr, – dedi «Qaztemirtrans» AQ-nyń bas ınjeneri Nurlan Júsipov.
