Aımaqtar • 30 Qarasha, 2022

Úkimet músheleri Ekibastuzda jedel shtab otyrysyn ótkizdi

172 ret

kórsetildi

1 mın

oqý úshin

Ekibastuzda Premer-Mınıstrdiń orynbasary – Saýda jáne ıntegrasııa mınıstri Serik Jumanǵarın, Tótenshe jaǵdaılar mınıstri Iýrıı Ilın, Pavlodar oblysynyń ákimi Ábilqaıyr Sqaqov, Energetıka vıse-mınıstri Jandos Nurmaǵanbetov, «OAEK» AQ aksıonerleri, «Ekibastuzjylýenergo» JShS quryltaıshylarynyń qatysýymen jedel shtabtyń otyrysy ótti, dep habarlaıdy Egemen.kz Úkimettiń baspasóz qyzmetine silteme jasap.

Janbolat Kenjeǵul

Úkimet músheleri Ekibastuzda jedel shtab otyrysyn ótkizdi

2022 jylǵy 29 qarashadaǵy 23.55-tegi jaǵdaı boıynsha Ekibastuzda 17 kóp páterli turǵyn úı, 3 áleýmettik nysan jáne 1 ákimshilik ǵımarat jylý júıesine qosylmaǵan kúıinde qalyp otyr. Olarǵa sońǵy ýchaskedegi apat joıylǵannan keıin jylý qaıta beriledi. Qalǵan úıler men nysandarǵa jylý tómen temperatýramen berilgen. Tasymaldaǵyshtyń jylý berý temperatýrasy – 82⁰S (norma 87⁰S), keri qaıtarý – 54⁰S (norma 56⁰S), páterlerde – 18-20⁰S, syrtqy aýa temperatýrasy – 23⁰S.

Jetkizý jelileri qatyp qalǵan 59 kóp páterli turǵyn úıdiń 22-sinde qalpyna keltirý jumystary aıaqtaldy, taǵy 37 nysan qalyp otyr. 34 kezekshi brıgada jumys istep jatyr.

Qalada azamattardy qabyldaý jáne jylytý úshin 14 arnaıy pýnkt jasaqtalǵan.