Qostanaı qalalyq bilim basqarmasynyń málimetinshe, qatty aıazǵa baılanysty búgin birinshi aýysymdaǵy 9-synypqa deıin oqıtyn oqýshylar qashyqtan oqytý formatyna kóshirildi.
«Aýa temperatýrasy -27 gradýs, jel sekýndyna 3 metr. Qostanaı qalasyndaǵy mektepterdiń birinshi aýysymyndaǵy 0-9 synyp oqýshylary qashyqtan oqytý formatyna kóshirilip jatyr», delingen habarlamada.
Sondaı-aq Shyǵys Qazaqstan jáne Abaı oblystarynda aıazǵa baılanysty oqýshylar onlaın formatta oqıdy.
«Abaı oblysy aýmaǵynda aýa temperatýrasy -31 gradýs aıazdy kórsetip tur. Osyǵan baılanysty 30 qarashada birinshi aýysymda oqıtyn 1-11 synyp oqýshylary jáne kolledjderdiń 1,2 kýrs stýdentteri úshin sabaq onlaın formatqa aýystyryldy. Shyǵys Qazaqstan oblysynyń Altaı, Tarbaǵataı, Glýbokoe, Samar, Qatonqaraǵaı, Kúrshim aýdandarynda 0-11 synyp, О́skemen men Rıdderde 0-9 synyp, Jańa Buqtyrma eldi mekeninde 0-4 synyp oqýshylary qashyqtan bilim alady», delingen jergilikti bilim basqarmasynyń habarlamasynda.
