Taldaý jumystary mektepter, aýyldar, aýdandar jáne oblystar bólinisinde júzege asyryldy.
Bul rette UTO mamandary testilenýshilerdiń genderlik bólinisi, tapsyrý tili jáne UBT pánderi boıynsha durys jaýaptarynyń sany men paıyzyn anyqtady.
UTO dırektory Rýslan Emelbaev zertteý nátıjelerimen bólisti.
«Jalpy durys jaýaptardyń úlesi 58%-dy qurady. Túlekter «Oqý saýattylyǵy» páni boıynsha eń jaqsy nátıje kórsetti, ıaǵnı suraqtardyń 82%-na durys jaýap berdi. Odan keıingi oryndarda «Qazaq tili» 64% jáne «Qazaq ádebıeti» 60% pánderi boldy. «Fızıka» jáne «Hımııa» pánderi boıynsha eń az durys jaýaptar anyqtaldy, tıisinshe kórsetkishter 40% jáne 38%-dy qurady. Eger genderlik taldaýdy qarasaq, onda qyzdardyń (59%) nátıjeleri uldarǵa (57%) qaraǵanda jaqsyraq boldy», dep naqtylady Rýslan Emelbaev.
