Kezdesý barysynda Prezıdent Qazaqstan men EYDU arasyndaǵy tabysty yntymaqtastyq deńgeıine toqtaldy.
«Keshe Prezıdent Makronmen kezdesýde biz ekijaqty qarym-qatynasymyzdyń kóptegen aspektisine qatysty ustanymdarymyzdy naqtylap, mańyzdy qujattarǵa qol qoıdyq. Sonymen qatar Ekonomıkalyq yntymaqtastyq jáne damý uıymymen ózara baılanys Qazaqstan úshin árqashan basym baǵyttyń biri bolǵanyn atap ótkim keledi. Sizdiń uıymyńyzben baılanysymyzdy saqtaýǵa nıettimiz. Sondaı-aq elimizdiń ekonomıkalyq damýyna qatysty uıymnyń usynystary men keńesteri úshin rızashylyǵymyzdy bildiremiz», dedi Qasym-Jomart Toqaev.
Uıymmen yntymaqtastyq ornatqaly beri Qazaqstan EYDU-nyń 42 quqyqtyq qujatyna qol qoıǵan, 37 organynyń jumysyna qatysady jáne túrli salalyq qujattyń belsendi múshesi. Sonymen qatar Qazaqstan EYDU-nyń Eýrazııa elderiniń básekege qabiletin arttyrý, jemqorlyqpen kúres jáne jasyl ekonomıkany damytý jónindegi óńirlik bastamalaryna belsendi túrde qoldaý kórsetedi.
Prezıdenttiń aıtýynsha, Qazaqstan Úkimeti men EYDU arasynda qol qoıylǵan О́zara túsinistik týraly memorandým aıasyndaǵy birlesken bastamalardyń aýqymyn keńeıtý uıymmen yntymaqtastyqty odan ári jalǵastyrýda mańyzdy qadam bolady.
О́z kezeginde Matıas Korman Qazaqstannyń uıymmen tabysty yntymaqtastyǵyn oń baǵalaıtynyn jetkizdi.
Kezdesý nátıjesi boıynsha Qazaqstan Respýblıkasy Úkimeti men Ekonomıkalyq yntymaqtastyq jáne damý uıymy arasyndaǵy О́zara túsinistik týraly memorandýmǵa ózgerister engizý týraly hattamaǵa qol qoıyldy.
Sondaı-aq Qasym-Jomart Toqaev uıymnyń «Qurmetti qonaqtar kitabyna» estelik qoltańba qaldyrdy.
