Kollajdy jasaǵan Záýresh Smaǵul, «EQ»
Jalpy, saılaýdan keıin osy ýaqytqa deıin aıtylǵan reformalar da is júzinde júzege asatynyna senim mol. Bizge ekonomıkany dıfferensııalaý óte mańyzdy. Sonyń ishinde ekonomıkanyń úlken úlesin quraıtyn munaı, taý-ken metallýrgııasy salalaryna erekshe mán berilýi kerek. Energetıka, jol-kólik jáne aýyl sharýashylyǵy salalary da óte mańyzdy. Dál qazir atalǵan salalardy damytý, arnaıy jobalardy iske asyrý úshin kóptegen múmkindik bar. Al shaǵyn jáne orta bızneske kóńil bóliný keregi aıtpasa da túsinikti. Sol arqyly jumys oryndary ashylyp, eńbekpen qamtý máseleleri ońtaılanady. Shaǵyn jáne orta bızneske jaǵdaı jasalýy úshin salyq kodeksi men jergilikti basqarý organdarynyń júıeli jumys isteýi mańyzdy.
Osyǵan deıingi tájirıbemizden jergilikti basqarý organdarymen birlesip jumys isteý shaǵyn jáne orta bıznes úshin óte tıimdi ekenin kórip otyrmyz. Ár óńirdegi bıznes salalary boıynsha máseleler ashyq aıtylýy kerek. Shaǵyn jáne orta bıznestiń alǵa jyljýy úshin kedergi týǵyzatyn máseleler jeńildetilse, birshama damý bolatyny sózsiz. Máselen, sýbsıdııa kóbine iri sharýashylyqtarǵa beriledi. Bul máseleni sheshý úshin jumys isteý júıesi ǵana emes, árbir aýdandardaǵy jergilikti sharýashylyqty damytý baǵdarlamasy durys júzege asýy kerek. Prezıdent te óz sózinde osyǵan basa mán berip otyr. Endigi ózgerister men berilgen tapsyrmalar is júzinde oryndalady dep senemiz.
Bıznes jobalardy iske asyrý úshin kásipkerlerdiń yntasy men belsendiligi erekshe. Biz naqty nátıjege qol jetkizý úshin bıznes jobalardy iske asyrýǵa daıynbyz.
Raıymbek BATALOV,
«Atameken» ulttyq kásipkerler palatasynyń prezıdıým tóraǵasy
