Taǵaıyndaý • 01 Jeltoqsan, 2022

Marat Sultanǵazıev Almaty oblysynyń ákimi bolyp qaıta taǵaıyndaldy

Memleket basshysynyń Jarlyǵymen Marat Eleýsizuly Sultanǵazıev Almaty oblysynyń ákimi laýazymyna taǵaıyndaldy, dep habarlaıdy Egemen.kz Prezıdenttiń baspasóz qyzmetine silteme jasap.

Aıana TOǴANBEK

Marat Sultanǵazıev 1976 jyly 24 aqpanda Almaty oblysy Shelek aýdany Qaratúrik aýylynda dúnıege keldi.

1997 jylǵy shildeden bastap salyq organynda maman, salyq ınspektory, aǵa salyq ınspektory, jetekshi salyq ınspektory, bas salyq ınspektory, bólim bastyǵy, Almaty qalasy boıynsha Salyq komıtetiniń Basqarma bastyǵy laýazymdarynda qyzmetin bastady;

2002 jylǵy tamyzdan 2006 jylǵy shildege deıin Almaty qalasy Bostandyq aýdany boıynsha Salyq komıtetiniń Aýdıt bóliminiń bastyǵy;

2006 jylǵy shildeden 2007 jylǵy aqpanǵa deıin Almaty qalasy boıynsha Salyq komıtetiniń Salyq apellıasııasy, túsindirý jáne quqyqtyq qamtamasyz etý basqarmasynyń bastyǵy;

2007 jylǵy aqpannan 2008 jylǵy shildege deıin Almaty qalasy boıynsha Salyq komıtetiniń Salyq aýdıti basqarmasynyń bastyǵy;

2008 jylǵy shildeden 2010 jylǵy jeltoqsanǵa deıin Almaty qalasy boıynsha Salyq departamenti bastyǵynyń orynbasary;

2010 jylǵy jeltoqsannan 2011 jylǵy qazanǵa deıin Qazaqstan Respýblıkasy Qarjy mınıstrliginiń Salyq jáne keden saıasaty taldaý jáne boljamdaý departamentiniń dırektory, Astana qalasy;

2011 jylǵy qazannan 2012 jylǵy qarashaǵa deıin Qazaqstan Respýblıkasy Qarjy mınıstrliginiń Salyq jáne keden zańnamalary máselelerin úılestirý, kiristerdi taldaý jáne boljamdaý departamentiniń dırektory, Astana qalasy;

2012 jylǵy qarashadan 2013 jylǵy shildege deıin Qazaqstan Respýblıkasy Prezıdent ákimshiliginiń Áleýmettik-ekonomıkalyq monıtorıng bóliminiń sektor meńgerýshisi, Astana qalasy;

2013 jylǵy shildeden 2014 jylǵy qarashaǵa deıin Qazaqstan Respýblıkasy Prezıdent ákimshiliginiń Áleýmettik-ekonomıkalyq monıtorıng bóliminiń sektor meńgerýshisi («A» korpýsy), Astana qalasy;

2014 jylǵy qarashadan 2017 jylǵy maýsymǵa deıin Qazaqstan Respýblıkasy Qarjy mınıstrliginiń Memlekettik kirister komıteti Almaty qalasy boıynsha Memlekettik kirister departamentiniń basshysy;

2017 jylǵy maýsymnan 2018 jylǵy qazanǵa deıin Qazaqstan Respýblıkasy Prezıdent ákimshiliginiń Áleýmettik-ekonomıkalyq monıtorıng bóliminiń sektor meńgerýshisi, Astana qalasy;

2018 jylǵy qazannan bastap Qazaqstan Respýblıkasy Qarjy mınıstrligi Memlekettik kirister komıtetiniń tóraǵasy.

2022 jyldyń 11 maýsymynan beri Almaty oblysynyń ákimi bolyp qyzmet etýde.