2022 jyldy Qazaqstan Respýblıkasynyń Prezıdenti Qasym-Jomart Toqaev «Balalar» jyly dep málimdegeni barshaǵa belgili. Bul rette qoǵamda balalar shyǵarmashylyǵyna kóńil bóliný kerektigi, atalǵan baǵyttyń elimizde kenje qalǵany týraly pikirler barshylyq. Eldiń tiregi, bolashaǵy – búgingi jas órenderimiz ekenin eskersek, ádebıet balalarymyzdyń sanasyna sáýle shashar negizgi tárbıe quraly ekeni aıdan anyq. Ádebıet arqyly balalardyń oı-órisi, qııaly qalyptasady. Ertegi, óleń syndy ádebıet marjandarymen sýsyndap ósken baladan keleshekte myqty tulǵalar shyǵatynyn boljaý qıyn emes. Bizdiń tarıhymyzda oǵan mysal kóp.
Atalǵan baıqaý balalar ádebıetine qalam terbeýge múddeli qalamgerler qataryn kóbeıtý, ári búgingi ádebıetke balalar ádebıeti baǵytyndaǵy jańa shyǵarmalar legin qosý maqsatynda uıymdastyrylyp otyr. Bul baıqaýdy bıylǵy balalar jyly aıasyndaǵy ozyq sharalardyń biri dep ataýǵa bolady. Kelip túsken shyǵarmalardyń kitap bolyp jaryq kóretininen bólek baıqaýdyń qomaqty qarjylaı júldesi arqyly jas qalamgerlerdiń shyǵarmashylyǵyna qoldaý kórsetý kózdelgen.
Baıqaýǵa shyǵarmalar tómendegi úsh janr boıynsha qabyldanady:
- Proza;
- Poezııa;
- Dramatýrgııa.
Júldeler ár janr boıynsha:
I oryn: 1 000 000 teńge
II oryn: 800 000 teńge
III oryn: 500 000 teńge
Baıqaýǵa shyǵarmalar 10 jeltoqsanǵa deıin ǵana qabyldanady.
Shyǵarmalardyń rásimdelýine qoıylatyn talaptar:
Proza: 10 betten kem emes, pishini: 14,Times New Roman qarpimen, 1 ınterval.
Poezııa: 10 shýmaqtan kem emes, pishini: 14, Times New Roman qarpimen, 1 ınterval.
Dramatýrgııa: 15 betten kem emes, pishini: 14, Times New Roman qarpimen, 1 ınterval.
Buryn jarııalanǵan shyǵarmalar qabyldanbaıdy.
Baıqaýǵa qolynan jazý keletin, 18-35 jastaǵy Qazaqstan aýmaǵynda turatyn kez-kelgen qalamger qatysa alady. Sonymen qatar ár qatysýshydan tek bir ǵana atalym boıynsha shyǵarma qabyldanady.
Qatysýshylardy irikteý krıterııleri:
1. Baıqaýǵa kompıýterde terilgen shyǵarmalar qabyldanady. Shyǵarmalardy qabyldaý úshin ár qatysýshy óziniń tolyq aty-jóni, ózi týraly tolyq maǵlumat (jasy, baılanys nómiri, turǵylyqty meken-jaıy, jumys nemese oqý orny,shyǵarmashylyq ómirbaıany) usynylǵan qatysýshy paraǵyn toltyryp jiberýi tıis. (Erejege Qosymsha №1 qatysýshy paraǵy tirkelgen).
2. Sapaly oryndalǵan jumystar ǵana qabyldanady. (qoljazbalar baıqaýǵa jiberilmeıdi).
3. Kelip túsken shyǵarmalar saraptama kezeńine nómirlenip usynylady. Iаǵnı sarapshylar avtorǵa emes tek shyǵarmaǵa baǵa beredi.
Eskeretin jaıt: Qatysýshy paraǵy joq nemese toltyrylmaǵan, shyǵarmalary baıqaý talabyna sáıkes kelmeıtin, buryn jarııalanǵan jumystar baıqaýdyń saraptamalyq kezeńine jiberilmeıdi.
Qatysýshy paraǵy toltyrylǵan, «Balalar baıqaýyna» degen taqyryp qoıylǵan ótinimder baiqau2022@gmail.com elektrondy poshtasynda qabyldanady.
Uıymdastyrýshylardyń baıqaýǵa kelip túsken shyǵarmalardy avtordyń ruqsatynsyz, qalamaqysyz balalar ádebıetin nasıhattaý maqsatynda jarııalaýǵa jáne taratýǵa tolyq quqy bar.
