Jetisaı aýdandyq ishki ister bólimine jergilikti turǵyn aryzben júgingen. Jas kelinshektiń aıtýynsha, oǵan bankten 900 myń teńge qaryzdy tóleý kerek ekeni týraly habarlama kelgen. Alaıda, jábirlenýshi áıel nesıe almaǵanyn aıtyp, polısııadan barlyq mán-jaıdy anyqtaýdy suraǵan.
Habarlamany alǵan tártip saqshylary jedel sharalar qabyldap, qajetti sharalardy júrgizip, kúdiktini ustady. Polıseıler jábirlenýshige taýarlyq nesıeni onyń týysy bergenin anyqtady.
Belgili bolǵandaı, ápkesiniń senimine kirip, onyń uıaly telefonyn paıdalanyp, túrli gadjetterge nesıe bergen. Sondaı-aq er adamnyń jeti alaıaqtyq faktisine qatysy bar ekeni belgili boldy. Jábirlenýshilerge keltirilgen jalpy shyǵyn shamamen 7 mıllıon teńgeni qurady.
Atalǵan fakti QR QK-niń 190-baby «Alaıaqtyq» boıynsha tirkeldi. Kúdikti qamaýǵa alyndy, polıseıler onyń osyǵan uqsas basqa da qylmystarǵa qatysy bar-joǵyn anyqtaýda.
