Qazaqstan • 04 Jeltoqsan, 2022

Bolgarııalyq ánshi Roza Baǵlanova atyndaǵy baıqaýda jeńimpaz atandy

117 ret kórsetildi

Astanada Qazaqstan men KSRO Halyq artısi, Halyq qaharmany, ánshi Roza Baǵlanovaǵa arnalǵan Halyqaralyq vokalıster baıqaýy aıaqtaldy, dep jazady Egemen.kz.

Baıqaýǵa Qazaqstan, Túrkııa, О́zbekstan, Tatarstan, Polsha, Bolgarııa, Qyrǵyz Respýblıkasy jáne Belarýs Respýblıkasynan 18-35 jas aralyǵyndaǵy oryndaýshylar qatysty.

12 qazan men 20 qarasha aralyǵynda onlaın formatta ótken irikteý kezeńi aıasynda 48 ótinim qabyldanǵan. Onyń qorytyndysy boıynsha fınaldyq bólimge 21 oryndaýshy ótti.

«Bıyl biz biregeı tulǵa jáne kórnekti ánshi Roza Baǵlanovanyń 100 jyldyǵyn atap ótemiz. Halyq súıiktisiniń mereıtoıy IýNESKO-nyń mereıtoılyq kúnder kúntizbesine endi jáne onyń qurmetine kóptegen is-sharalar uıymdastyryldy, sonyń ishinde Parıj men Máskeý qalalary bar. Bul tizimde vokalıster baıqaýy erekshe oryn alady. Ony ótkizý-Roza Tájibaıqyzynyń talantyn zamanaýı oryndaýshylardyń moıyndaýynyń jarqyn aıǵaǵy», dedi QR Mádenıet jáne sport mınıstrligi Mádenıet komıteti tóraǵasynyń orynbasary Danııar Álıev konkýrsanttardy marapattaý rásimi aıasynda. 

Konkýrstyń jeńimpazy jáne 2 mıllıon teńgelik bas júldeniń ıegeri Bolgarııadan kelgen ánshi Slaveıa Ivanova boldy. 

I oryn-Battalıeva Almagúl (Qazaqstan Respýblıkasy) 750 000 teńge.

I oryn-Israılov Bek (Qyrǵyz Respýblıkasy) 750 000 teńge.

II oryn-Kachmarek Mıhal (Polsha Respýblıkasy) 500 000 teńge.

II oryn-Jambylbek Qymbat (Qazaqstan Respýblıkasy) 500 000 teńge.

III oryn – Juban Ernazar (Qazaqstan Respýblıkasy) 250 000 teńge.

III oryn – Baqbergen Azamat (Qazaqstan Respýblıkasy) 250 000 teńge.

Sondaı-aq, Roza Baǵlanovanyń uly Tájen Baǵlanov pen Qazaqstan Respýblıkasy Qorǵanys mınıstrliginiń estradalyq-sımfonııalyq orkestriniń kórkemdik jetekshisi Darhan Raqymǵalıev arnaıy syılyqty tabys etti.

 

Sońǵy jańalyqtar

Dollar 460 teńgeden tómen tústi

Qarjy • Búgin, 17:08

Erteń elordada Úkimet otyrysy ótedi

Úkimet • Búgin, 14:21

Qazaqstanda aýasy eń las qala ataldy

Ekologııa • Búgin, 12:59

Uqsas jańalyqtar