Aımaqtar • 04 Jeltoqsan, 2022

Túrkistanda 200-deı úı jylýsyz qaldy

158 ret kórsetildi

Túrkistan qalasynda gaz qubyrynan aqaý shyǵyp, 200-ge jýyq abonent jylýsyz qaldy, dep habarlaıdy Egemen.kz QazAqparatqa silteme jasap.

Túrkistan qalasyndaǵy Shaýǵar sektory «Remzavod» móltek aýdany aımaǵyndaǵy 7 kóshede gazdyń qysymy tómendep ketken. Sonyń saldary – qys mezgilinde eki júzge jýyq úı jylýsyz qalyp otyr.

Mamandardyń aıtýynsha, dıametri 110 mm gaz qubyrynda keptelis paıda bolǵan. Bul máseleni sheshý maqsatynda merdiger mekeme men ákimdik atalǵan móltek aýdandaǵy gaz qubyryn orta qysymdy ekinshi gaz qubyryna qosyp, biriktirý týraly sheshim qabyldady. Qazirgi tańda, qajetti jabdyqtar alynyp, tıisti jumystar júrgizilip jatyr.

«Jalpy, qazirgi tańda Túrkistan qalasyna saǵatyna 80 000 tekshe metr tabıǵı gaz kelip tur. Qys mezgiline baılanysty jeke abonentter men mekemelerdiń gaz tutyný kólemi kóbeıgendikten, qalada gazdyń qysymy tómendegeni baıqaldy. Qalyptasqan jaǵdaıǵa baılanysty «QazTransGaz Aımaq» AQ Túrkistan oblysy óndiristik fılıaly jáne Túrkistan qalasy ákimdigi birlesip, gaz qysymyn ulǵaıtý týraly kelisimge kelip, nátıjesinde turǵyndardyń tabıǵı gazǵa degen suranysyn qanaǵattandyrý maqsatynda, AGTS-15-ten gaz kólemi ulǵaıtyldy», delingen qalalyq ákimdik tarapynan taratylǵan aqparatta.

Sońǵy jańalyqtar

Dollar 460 teńgeden tómen tústi

Qarjy • Búgin, 17:08

Erteń elordada Úkimet otyrysy ótedi

Úkimet • Búgin, 14:21

Qazaqstanda aýasy eń las qala ataldy

Ekologııa • Búgin, 12:59

Uqsas jańalyqtar