5 jeltoqsanda saǵat 7:17-de Shyǵys Qazaqstan oblysynyń «Korshýnova-Cheremshanka» aralyǵynda júk poıyzy 8 bas jylqyny qaǵyp ketti. Poıyz oqıǵa ornynda jospardan tys 19 mınýt turǵan. Bul týraly QR IIM Kóliktegi polısııa departamenti bastyǵynyń birinshi orynbasary Madııar Aıtýǵanov málimdedi.
M.Aıtýǵanovtyń aıtýynsha, oqıǵa ornyna Rıdder stansııasyndaǵy Jelilik polısııa bólimshesiniń qyzmetkerleri birden jetti. О́tkizilgen tıisti is-sharalardyń nátıjesinde úı janýarlarynyń ıesi, ShQO Glýbokoe aýdanynyń 33 jastaǵy turǵyny anyqtaldy.
– Atalǵan azamatqa qatysty QR ÁQBtK-niń 559-babynyń 1-bóligi boıynsha ákimshilik hattama toltyryp, 5 aılyq eseptik kórsetkish mólsherinde aıyppul salyndy. Jalpy, jyl basynan beri temirjol boıynda maldyń bolýyna baılanysty poıyzdardyń shuǵyl tejelýiniń 1463 faktisi tirkelgen. Onyń ishinde temirjol boıynda mal jaıǵany úshin 1169 tulǵa ákimshilik jaýapkershilikke tartyldy, – dedi ol.
