Qazir barlyq úıdiń jertólesine jylý tasymaldaǵyshtar kirgen. Jumystar qyzý júrip jatqan 12 úıdiń keıbir podezderindegi qubyrlarǵa jylý júgirýde. Alaıda úılerdi jylýmen tolyq qamtý ázirshe múmkin bolmaı tur.
Búgingi saǵat 19.30-daǵy málimet boıynshapáterlerge 2000 jylý batareıasy ornatyldy. Qorda qosymsha 4000 batareıa bar.
«Negizgi problema týyndap turǵan úıler – Sátbaev kóshesi, №8 úıdegi 3, 4, 5, 6-ynshy korpýstar, Máshhúr Júsip kóshesi, 52-úıdegi 3, 4, 5, 6-ynshy korpýstar, Máshhúr Júsip kóshesindegi, 55, 46, 46A, Baýyrjan Momyshuly kóshesi, №68-úıler. Qubyrlar men regısterlerdi aýystyrý jumystary táýlik boıy júrýde», dedi jedel shtab ótkizgenkeshki brıfıngte Pavlodar oblysy ákiminiń mindetin atqarýshy Oleg Krýk.
Qala basshysy Aıan Beısekın aýyzsý júıeleri qatyp qalǵan 28 úıde qubyrlardy jibitý júrgizilip jatqanyn atap ótti. Mundaı úıler sany - 46.
«Jylý jelilerinde óte úlken teńgerimsizdik baıqalady. Keıbir páter ıeleri úıleriniń asa ystyq ekenin, aıazda tereze ashyp otyrǵandaryn aıtady. Al ózge aýmaqtarda jylý parametrleri durys kóterilmeı tur. Endi bir PIK-ter qalada apat oryn alǵan kúni ózderine qarasty úılerdiń jylý jelisindegi sýdy aǵyzyp jibergen. Sebebi ondaǵy qysym men jylý kórsetkishteri óte tómen bolǵan dep otyr. Shaharda 420 km jylý jelisi bar. Bul toraptardyń barlyǵyn retteý, teńgerimge keltirý áli de bolsyn biraz ýaqytty qajet etedi», dep atap ótti ol.
Jylýdan ajyrap turǵan jer úılerge de jóndeý brıgadalary jiberilýde. Alaıda bul jerlerdegi qalpyna keltirý jumystarynda sý kóp ysyrap bolýyna baılanysty barlyq úıdi bir mezgilde qosý múmkin emes eken.
Aıtyp óteıik, jylý jelileri áli de qalpyna kelmegen 12 úıde shamamen 1200-deı páter bar.
