Jaqynda qazaqtyń abyroıyn asqaqtatqan jelaıaq Ámın Tuıaqovqa «Atyraý oblysynyń qurmetti azamaty» ataǵy berildi. Munaıly óńir jurtshylyǵy da jeldeı esken dańqty jelaıaqqa kórsetilgen bul qurmetti jyly qabyldady. О́ıtkeni ol 100 jáne 200 metr qashyqtyqqa júgirýden, 100h4, 200h4 estafetaǵa júgirýden 8 ret KSRO chempıony atanǵan. Munyń syrtynda jeńil atletten ıelengen 10 kúmis, qola medali bar.
Jeldeı júırik jelaıaq 1967 jyly KSRO halyqtarynyń IV spartakıadasynda 200 metrlik qashyqtyqta altyn, 100 metrge júgirýden kúmis medalǵa ıe bolǵan. Onyń esimi shetelge de keńinen tanyldy. Sonyń dálelindeı, 1965 jyly Eýropa kýboginiń jeńimpazy, bir jyldan soń Eýropa birinshiliginiń kúmis júldegeri atandy. Buǵan qosa 50-ge jýyq halyqaralyq jarysta baǵy janyp, jeńistiń bıik shyńyna kóterildi.
– «Qazaqtyń jelaıaǵy» degen ataq kez kelgen adamnyń mańdaıyna buıyra bermeıdi. Alash qaıratkeri Álıhan Bókeıhanovtyń «Ultqa qyzmet etý bilimnen emes, minezden» degenindeı, sportta da namys pen minez bolmasa, jetistikke jetý qıyn. Dál osy qasıet Ámın aǵamyzdyń boıynan tabylyp, alaman jarystarda jeńis tuǵyrynan kórindi. «Men qazaqqa ortaqpyn» dep jastardy bólinýge emes, birigýge shaqyrdy. Jas býyn da, sportshylar da dańqty jelaıaqtyń ónegesin úlgi tutady, – dedi oblys ákimi Serik Shápkenov.
Atyraý oblysy
