Bıznes • 06 Jeltoqsan, 2022

Kásipkerlerdi balyq ónimderin óńdeýge yntalandyrý kerek - Smaıylov

46 ret kórsetildi

Buǵan ótken jyly qabyldanǵan Balyq sharýashylyǵyn damytý baǵdarlamasy aıtarlyqtaı serpin bergen, dep habarlaıdy Egemen.kz Úkimettiń baspasóz qyzmetine silteme jasap.

Máselen, balyq eksporty 13%-ke ulǵaıdy, onyń ishinde Eýropa elderi de bar. Jalpy, qoldan ósirilgen jáne aýlanǵan balyq óndirisi bıylǵy jyldyń 10 aıynda shamamen 57 myń tonna boldy, bul ótken jylǵy kórsetkishten 12%-ke joǵary.

«Degenmen biz áli kúnge deıin óz naryǵymyzdy otandyq balyqpen tolyq qamtamasyz ete almaı kelemiz. Importtyń úlesi áli de joǵary. Keıbir óńirler baǵdarlamadaǵy josparly kórsetkishterdi qamtamasyz ete almaı otyr. Balyq ósirý kórsetkishi eń tómen óńirdiń ishinde Atyraý oblysy da bar. Sonymen qatar Qaraǵandy, Almaty jáne Pavlodar oblystarynda da balyq óndirisi tómen. Atalǵan óńir ákimdikteri josparlanǵan kórsetkishterge qol jetkizý boıynsha jumysty kúsheıtip, bıznestiń bastamalaryna qoldaý kórsetýi qajet. Sondaı-aq kásipkerlerdi balyq ónimderin tereń óńdeýge yntalandyrý kerek. Tıisti memlekettik qoldaý sharalary akvaósirý jónindegi zań jobasy sheńberinde eskerilýi tıis. Tabıǵı sý qoımalaryndaǵy balyq qorynyń kóbeıýine de nazar aýdarý kerek», dedi Álıhan Smaıylov.

Sońǵy jańalyqtar

Prezıdent qolónershiler kórmesin aralady

Prezıdent • Búgin, 21:01

Uqsas jańalyqtar