Onyń aıtýynsha, Kaspıı ıtbalyqtarynyń popýlıasııasyn saqtaý máseleleri mańyzdy. Osy rette Prezıdenttiń tapsyrmasyna sáıkes Kaspıı teńizinde memlekettik tabıǵı rezervat qurý jumystary júrgizilýde. Búginde tabıǵı-ǵylymı negizdeme (TǴN) ázirlenýde. Ony kelesi jyldyń qańtarynda alýdy jáne odan ári tehnıko-ekonomıkalyq negizdeme (TEN) ázirleýge kirisý josparlanǵan.
Memleket basshysynyń balyq sharýashylyǵy máseleleri jónindegi tapsyrmalaryn oryndaý úshin jáne jańa oblystardyń qurylýyna baılanysty balyq sharýashylyǵyn damytý baǵdarlamasyna túzetýler engiziledi. Sonymen qatar sý tapshylyǵy men álemdik naryqtardaǵy ahýal boıynsha qazirgi jaǵdaıdy eskere otyryp, ındıkatorlardy ózektendirý qajet.
«Bul jumysty biz bıznes jáne ǵylym ókilderimen birlesip júrgizemiz. Memlekettik organdarmen kelisilgennen keıin Úkimet qaýlysynyń tıisti jobasy kelesi jyldyń ekinshi toqsanynda engiziledi», dedi mınıstr.
