Qoǵam • 06 Jeltoqsan, 2022

Ashat Aımaǵambetov mekteptegi balalar qaýipsizdigine qatysty pikir bildirdi

73 ret kórsetildi

Oqý-aǵartý mınıstri Ashat Aımaǵambetov birqatar óńirdegi mektepterde áli de qazandyqtar bar ekenin aıtty. Mınıstr jaqynda Aqmola oblysynda bolǵan jarylysty eske salyp, balalardyń qaýipsizdigin qamtamasyz etýdiń mańyzdylyǵyna toqtaldy, dep habarlaıdy Egemen.kz.

Ashat Aımaǵambetov Batys Qazaqstan, Qostanaı, Aqmola oblystarynda áli de birqatar mektep, kolledj ben balalar úıiniń ǵımarattarynda jylý júıesi ornatylǵanyn aıtty.

«Bul balalarǵa úlken qaýip tóndiredi. Jaqynda Aqmola oblysynda oryn alǵan jaǵdaıdy bilesizder - ol jerde tek qazandyq mektep ǵımaratynyń syrtynda bolǵandyqtan, mektep oqýshylary zardap shekken joq. Al eger qazandyq mekteptiń ishinde bolsa, biz zardap shegýshilerden aýlaq bola almas edik. Muny túsiný kerek. Sondyqtan bilim berý nysandaryndaǵy jylý júıelerin bólek bólmelerge jetkizý týraly talaptarymyz óte oryndy», dedi Ashat Aımaǵambetov.

Onyń aıtýynsha, jylý júıesi boıynsha 263 mekteptiń 200-den astamynda bul máseleler sheshimin tapqan.

«Kóp jumys atqaryldy. Muny moıyndaý kerek. Biraq kúni búginge deıin 57 mektepte bul másele tolyq sheshilgen joq. Bul jumystarǵa ákimdikter tarapynan qarjy bólinýi qajet», dedi  mınıstrlik basshysy.

Aıta keteıik 18 qazanda Aqmola oblysynda mektep qazandyǵy jaryldy.

Sońǵy jańalyqtar

Dollar 460 teńgeden tómen tústi

Qarjy • Búgin, 17:08

Erteń elordada Úkimet otyrysy ótedi

Úkimet • Búgin, 14:21

Qazaqstanda aýasy eń las qala ataldy

Ekologııa • Búgin, 12:59

Uqsas jańalyqtar