Táýelsizdigimizdiń tuǵyry

4 maýsym – egemen elimizdiń memlekettik rámizderi qabyl­dan­ǵan kún. Bul aıtýly data osymen jıyrma ekinshi ret mere­kelenip otyr. Ataýly mere­kege oraı keshe Astana qala­sy ishki saıasat basqarmasy «Ata­meken» Qazaqstan kartasy» etno­memorıaldyq kesheninde qala ákimdigi janyndaǵy Memlekettik rámizder jónindegi komıssııanyń merekelik otyrysyn ótkizdi. Sharany Astana qalasy ákiminiń orynbasary Aıda Balaeva júr­gizdi. «Jıyrma jyldan astam ýaqyttan beri táýelsiz Qa­zaqstannyń memlekettik Týy, Eltańbasy jáne Ánurany el rýhyn kóterý, egemendiktiń ir­getasyn bekitý maqsatynda kóp­tegen ıgilikti jumystar atqardy dep bilemin. О́ıtkeni, sońǵy jyldary jastarymyzdyń, jalpy azamattarymyzdyń el rámizderine degen kózqarasy múlde ózgerdi. Búginde Kók baıraǵymyz álem­dik deńgeıdegi jarystarda, Olım­pıadalarda jelbirep, jas­tarǵa patrıottyq jiger berýde. Osy ýaqyt ishinde eldigimizdi bildiretin, táýelsizdigimizdi tu­ǵyrlandyratyn kózqaras qa­lyptasyp, el birligi nyǵaıdy. Osy oraıda erekshe atap ótetin bir másele, áli de bolsa elimizge memlekettik nasıhat óz dárejesinde bolmaı tur. Bizdiń Týymyz ár ýaqytta joǵary bolýy kerek, Eltańba jáne Ánuranymyz bizge kúsh-qýat beredi dep oılaımyn», – dedi Eltańba av­tor­larynyń ­biri Jandarbek Málibekov. «Biz rámizder degen ýaqytta kóbine memlekettik rámizder tóńi­reginde aıtamyz. Alaıda mem­lekettik rámizderdiń quram­das bólikteri Qazaqstannyń kóri­nisteri men onyń qundy-qun­dy derekteri der edim. Mu­nyń barlyǵyn da bir rámiz re­tinde aıtýǵa bolady. Ony Elba­symyz Máńgilik El dep aıtty. Máńgilik El degen sóz – óte úl­ken maǵynadaǵy aýqymdy uǵym», – degen Memleket tarıhy ıns­tıtýty dırektorynyń orynba­sary Amangeldi Qashqymbaev bú­gin­gideı sharalar jıirek ót­kizi­lip tursa degen tilegin bil­dirdi. Sondaı-aq, ol «Ata­me­ken» Qazaqstan kartasy» etnomemo­rıal­dyq keshenindegi eldiń tama­sha kórinisteri EKSPO-2017 ha­lyq­­aralyq kórmesinde dúnıe júzi­nen kelgen qonaqtarǵa taǵy­lymdy turǵydan tanystyryla tússe degendi de nazardan tys qaldyrmady. Memlekettik rámizder týraly zańnamany túsindirý jáne tur­ǵyndar arasynda el rámizderin na­sıhattaýdy maqsat etken atalmysh otyrys ózge de pikir almasýlarmen maǵynaly jalǵasyn tapty. Ábdirahman QYDYRBEK, «Egemen Qazaqstan».