2022 jylǵy EADB jumysynyń aldyn ala qorytyndylary jáne kelesi jylǵa arnalǵan jumys jospary talqylandy. Máselen, bıyl bank respýblıkadaǵy jobalarǵa salynǵan ınvestısııalardy $1,2 mlrd-qa deıin ulǵaıtty, bul ótken jyldyń jospardaǵy ındıkatorlary men kórsetkishterinen asyp tústi. 2023 jyly el ekonomıkasynyń basym salalaryna taǵy $1,1 mlrd baǵyttaý josparlanyp otyr.
Álıhan Smaıylov kooperasııalyq jobalar sanyn arttyrýdyń mańyzdy ekenin atap ótti.
«Osy qarqyndy saqtap, jobalar pýlyn keńeıtý qajet», dedi Premer-Mınıstr.
«Keler jyly qarjylandyrý kezinde logıstıkalyq ınfraqurylymdy damytýǵa, sý resýrstarymen, azyq-túlik jáne energetıkalyq qaýipsizdikpen qamtamasyz etýge, ekologııalyq kórsetkishterdi jaqsartýǵa baǵyttalǵan jobalarǵa basymdyq beriledi», dedi EADB basshysy.
