Úkimet • 08 Jeltoqsan, 2022

Smaıylov «ArselorMıttal Temirtaýdaǵy» jaǵdaıǵa qatysty pikir bildirdi

62 ret kórsetildi

Qaraǵandyda Premer-Mınıstr Álıhan Smaıylov pen Prezıdent Ákimshiliginiń Basshysy Murat Nurtileýdiń qatysýymen Qaraǵandy oblysynyń barlyq deńgeıdegi máslıhattar depýtattarynyń jınalysy ótti, dep habarlaıdy Egemen.kz.

Álıhan Smaıylov áleýmettik mańyzy bar azyq-túlik taýarlary baǵasynyń kúrt jáne negizsiz ósýine jol bermeýdi basty basymdyqtardyń biri dep atady.

«Naryqty otandyq óndiristiń sapaly ónimderimen qamtamasyz etý boıynsha jumys júrgizý qajet. Onyń keń assortımenti men jetkilikti bolýy baǵanyń ósýin tejeıdi. Bul baǵytta ákimdik jumys isteýi kerek», dedi ol.

Sonymen qatar Premer-Mınıstr birqatar ózekti máselelerge nazar aýdardy. Máselen, modernızasııa qarqyny tómen jáne tehnologııalyq jaǵdaıy nashar «ArselorMıttal Temirtaýdaǵy» jaǵdaı alańdaýshylyq týǵyzady, ónerkásiptik qaýipsizdikke nemquraıdy qaraýdyń saldarynan ólim-jitim sany artyp otyr.  

Ol búgin óndiriste taǵy bir qaıǵyly jaǵdaı oryn alyp, kásiporyn qyzmetkeri qaza tapqanyn atap ótti.

«Munyń bári – kompanııa basshylyǵynyń tikeleı jaýapkershiligi. Osyǵan baılanysty olarǵa kásiporynnyń eshqandaı syn kótermeıtin barlyq baǵyttary boıynsha narazylyq bildirildi. Qazir Úkimet bul máselelerdi retteý boıynsha belsendi kelissózder bastap ketti», dedi Álıhan Smaıylov.

Sondaı-aq ol ónerkásiptik óndiristerdiń ekologııalyq jaǵdaıǵa tıgizetin zardabyn azaıtý, «Saran» ındýstrııalyq aımaǵyn damytý, bilikti mamandardy daıarlaý, jalaqyny ýaqytyly tóleý jáne óndiristegi jazataıym oqıǵalardyń aldyn alý máselelerin baqylaýda ustaý qajettigin atap ótti.

Sońǵy jańalyqtar

Elimizde et konservileriniń óndirisi artty

Ekonomıka • Búgin, 14:25

Elordada gazel avtokóligi janyp ketti

Elorda • Búgin, 12:18

Uqsas jańalyqtar