Qoǵam • 08 Jeltoqsan, 2022

Burynǵy áskerı qyzmetshilerge arnalǵan turǵyn úı paıdalanýǵa berildi

80 ret kórsetildi

Qorǵanys mınıstrligi zapasqa shyǵarylǵan jáne jabyq áskerı qalashyqtarda turatyn áskerı qyzmetshilerdiń turǵyn úı máselelerin sheshýdi jalǵastyryp keledi. Almaty óńirlik garnızonynyń aýdandyq paıdalaný bóliminde Qarýly Kúshter Áskerı ınfraqurylym bas basqarmasynyń ókilderi burynǵy áskerı qyzmetshilerdi turǵyn úımen qamtamasyz etý máseleleri jóninde kezekti kezdesý ótkizdi, dep habarlaıdy Egemen.kz Qorǵanys mınıstrliginiń baspasóz qyzmetine silteme jasap.

Qorǵanys vedomstvosynyń bastamasymen 2018 jyldyń birinshi qańtarynan bastap kúshine engen zańnamadaǵy ózgeristerdiń arqasynda eńbek ótili 10 jyldan asqan, degenmen 20 jylǵa jetpegen burynǵy áskerı qyzmetshiler jabyq áskerı qalashyqtardaǵy qyzmettik turǵyn úı alańyn qaldyq quny boıynsha jekeshelendirý quqyǵyn paıdalaný arqyly basqa páterge aıyrbastaı alady. 

Kezdesý barysynda jabyq áskerı qalashyqtardaǵy turǵyn úılerdi jekeshelendirýge jatatyn páterlerge aıyrbastaý múmkindigi týraly túsiniktemeler men málimetter de berildi.

Almatyda turǵyn úıge suranystyń artýyn eskere otyryp, Áskerı ınfraqurylym bas basqarmasy páter úlgisindegi eki jataqhananyń mártebesin ózgertti. Tıisti qaıta josparlaý jáne jóndeý jumystaryn júrgizgennen keıin 16 bir bólmeli jáne 15 eki bólmeli páter qonystanýǵa daıyn. Osy úılerden barlyǵy 160 páterdi jekeshelendirýge berý josparlanyp otyr.

Bul baǵyttaǵy jumys elimizdiń barlyq óńirlerinde júrgizilip jatyr. Qazir Almatyda, Aqtaýda, Aqtóbede, Jezqazǵanda, Tarazda jáne Abaıda páterler almasýǵa usynylýda. Aıyrbastaý qory týraly tolyq aqparat Qorǵanys mınıstrliginiń saıtynda jarııalanǵan.

Aıta ketý kerek, búgingi tańda áskerı qyzmetten bosatylǵan jáne jabyq áskerı qalashyqtarda turatyn 700 azamattyń 463-i almasý quqyǵyn paıdalandy. Qabyldanǵan sharalar burynǵy áskerı qyzmetshilerdiń osy sanatyna turǵyn úıdi menshikke alýǵa jáne resimdeýge, al qarýly kúshterge áskerı qyzmet ótkergender úshin qyzmettik turǵyn úı qoryn bosatýǵa múmkindik beredi.

Sońǵy jańalyqtar

Elimizde et konservileriniń óndirisi artty

Ekonomıka • Búgin, 14:25

Elordada gazel avtokóligi janyp ketti

Elorda • Búgin, 12:18

Uqsas jańalyqtar