«Altyn tobylǵy» baıqaýynyń saltanaty

Tuńǵysh Prezıdent – Elbasynyń Qory jas ádebıetshilerdiń eńbegine osy­men segizinshi ret qoldaý kór­set­ti. Qazirgi kórkem ádebıetti qol­daý­ǵa, damytýǵa, nasıhattaýǵa, jas qa­lamgerlerdi kótermeleýge baǵyt­tal­ǵan baıqaýǵa degen qyzyǵýshylyq jyldan-jylǵa artyp keledi.

Bıylǵy báıgege eldiń túkpir-túk­pirinen 120 avtor qatysqan. Je­ńim­pazdar «Jyldyń úzdik prozasy», «Jyldyń úzdik poezııasy», «Jyldyń balalarǵa arnalǵan úzdik shyǵarmasy», «Fan­tastıka janryndaǵy úzdik shy­­ǵarma», «Jyldyń úzdik kınos­se­­­na­rııi» dástúrli atalymdar boıynsha bel­gilendi. Ár nomınasııa boıynsha syıaqy qory 2 mıllıon teńgeni qu­raıdy.

«Altyn tobylǵy» baıqaýyn se­gizinshi ret ótkizip otyrmyz. Jyl sa­ıyn jas qalamgerlerdiń joǵary belsendilik tanytatyny qýantady. Segiz jyl ishinde baıqaýǵa 1 100 qa­ty­sýshydan 1 500-ge jýyq shyǵarma kelip tústi. Bıyldyń ózinde 120 avtor qatysty», dedi marapattaý rásiminde Nursultan Nazarbaev Qorynyń at­qa­­rýshy dırektorynyń orynbasary Álkeı Marǵulanuly.

Sondaı-aq ol baıqaý jas ta­lant­tardyń juldyzyn jaǵyp, ádebıetke degen qyzyǵýshylyǵyn art­­tyrýǵa, ulttyq qundylyqtardy, adamgershilikti nyǵaıtýǵa yqpal etetinin, tól tarıhty kóbirek bilýge jol ashatynyn atap ótti.

Aıta keteıik, dodaǵa qatysý­shy­lar­dyń týyndylary mádenıetke, ónegeli ómir tarıhyna, adamnyń rýha­nı qasıetterine jáne t.b. taqy­ryp­tarǵa arnalǵan.

Sonymen, qazylardyń sheshimimen bıylǵy «Altyn tobylǵy» ádebı syılyǵyn «Jyldyń úzdik prozasy» atalymy boıynsha – «Egemen Qazaqstan» gazetiniń tilshisi Abaı Aımaǵambettiń «Bes kúndi kútý», «Fantastıka janryndaǵy úzdik shyǵarma» – Áset Syzdyqovtyń «Samyı bystryı týraıbol», «Jyl­dyń úzdik kınossenarııi» – Myrza Beıbitulynyń «Aıǵasar», «Jyl­dyń úzdik poezııasy» – Nurjan Baıtóstiń «Aýyl sýretteri» óleńder jınaǵy, «Jyldyń balalarǵa arnalǵan úzdik shyǵarmasy» – Nurbek Keńesbaıdyń «Sary emshiniń balasy» áńgimesi ıelendi. Al «El muraty – Táýelsizdik» taqyrybyna arnalǵan úzdik shyǵarma» arnaıy nomınasııasyn Ǵylymnur Qadyrbaıdyń «Tynys» povesi jeńip aldy. Avtorǵa 3 mıllıon teńgeniń sertıfıkaty tabystaldy.

Budan bólek yntalandyrý júl­de­si­­­men eki shyǵarmanyń avtory 1 mıllıon teńge syılyqpen marapattaldy. Atap aıtsaq, Jibek Zınelova – «Muz qalashyq» («Jyldyń úzdik balalar týyndysy» nomınasııasy) jáne Orazaı Jeńis – «Balaǵan Qulagerge...» («Jyldyń úzdik poe­zııasy»).

Atalǵan shyǵarmashylyq baıqaý­dyń erejesine sáıkes úmitkerlerdiń qazaq-orys tilderindegi shyǵarmalary baq synady. Avtor eki nomınasııaǵa da qatysýǵa quqyly. Eske salsaq, shy­ǵar­malar sáýir aıynan bastap qazanǵa deıin qabyldanǵan edi.