Komıtet tóraǵasy Serikbaı Trumov otyrysty asha kelip, transferttik baǵa belgileý tetikteri memlekettiń keleshektegi kiristeriniń joıylmaýyna yqpal etetin túrli faktorlardy retteıtinin atap ótti.
«Elimizde transferttik baǵa belgileý týraly zań 10 jyldan astam ýaqyt jumys istep keledi. Osy ýaqyt ishinde tıisti organdar kóptegen salyqtyq tekserýlerin júrgizdi, sonyń nátıjesinde bıýdjetke qosymsha qarjy tústi», dep atap ótti senator.
Qarjy mınıstriniń orynbasary Erjan Birjanov Memleket basshysynyń tapsyrmasy boıynsha ázirlenip jatqan, transferttik baǵa belgileýdi baqylaý sharalaryn kúsheıtýge, sondaı-aq Ekonomıkalyq yntymaqtastyq jáne damý uıymynyń halyqaralyq talaptaryn oryndaýǵa baǵyttalǵan zań jobasy týraly parlamentshilerge aıtyp berdi.
Kezdesýge qatysýshylar «Transferttik baǵa belgileý týraly» zańǵa engizilgen ózgeristerdi de talqylady. Depýtattarǵa zań jobasyna birqatar tujyrymdamalyq ózgerister engizilgeni aıtyldy. Olardyń qatarynda Qazaqstannyń taýar bırjalarynda kapıtaldy shyǵarýǵa baqylaýdy kúsheıtý maqsatynda naryq aıasyn aıqyndaý tetigin engizý, jasalǵan mámilelerdiń transferttik baǵa belgileýine baqylaýdy qaıtarý jáne ózge de ózgerister bar.
Senatorlar kezdesý qorytyndysy boıynsha ázirlenip jatqan zań jobasyna birqatar tolyqtyrýlar usyndy, olar keıinnen salalyq mınıstrliktiń jumysynda eskeriletin bolady.
