Parlament • 09 Jeltoqsan, 2022

Senatta elimizdiń qorǵanys ónerkásibin damytý máselesi talqylandy

79 ret kórsetildi

enattyń Halyqaralyq qatynastar, qorǵanys jáne qaýipsizdik komıtetiniń depýtattary «Otandyq qorǵanys ónerkásibi: jaǵdaıy, problemalary men usynystary» taqyryby boıynsha dóńgelek ústel ótkizdi, dep jazady Egemen.kz.

Komıtet tóraǵasy Muhtar Qul-Muhammed  Qazaqstannyń memlekettik saıasatynyń basym baǵyty – otandyq áskerı-ónerkásip keshenin damytý ekenin atap ótti.

 «Qazaqstan Respýblıkasynyń Prezıdenti Qasym-Jomart Kemeluly Toqaevtyń «Ádiletti Qazaqstan: bárimiz jáne árqaısymyz úshin. Qazir jáne árdaıym» saılaýaldy baǵdarlamasynda armııany jańǵyrtýdy jalǵastyrý qajettigin atap ótti. Ol úshin qazirgi zamanaǵy tehnologııalar transferti men óndiristi yqsham shoǵyrlandyrýdy eskere otyryp, áskerı-ónerkásip keshenin damytý sharalaryn qabyldaý qajet. Osyǵan baılanysty búgingi is-shara aıasynda qorǵanys-ónerkásip kesheniniń jaı-kúıi týraly ózekti ári shynaıy aqparat alýdy jáne osy saladaǵy negizgi problemalardy anyqtaý men jan-jaqty talqylaýdy, sondaı-aq belgilengen máselelerdi sheshý joldaryn usynýdy josparlap otyrmyz», dedi senator.

Otyrysqa qatysýshylar memlekettik qorǵanys tapsyrysy aıasynda quqyq qorǵaý organdarynyń qajettilikterin eskere otyryp, elimizdiń áskerı-ónerkásip keshenin klasterlik damytý máselelerin, sondaı-aq azamattarǵa arnalǵan ónimder shyǵarýdy, olardy qarjylandyrý jáne salaǵa qosymsha ınvestısııa tartýdy, qorǵanys kásiporyndaryndaǵy qalyptasqan  problemalardy sheshý keleshegin de talqylady.

Muhtar Qul-Muhammed atalǵan máseleler men senatorlardyń usynymdary zań shyǵarý prosesi aıasynda eskeriletinin jáne depýtattar olardy jumys babynda paıdalanatynyn atap ótti.

Dóńgelek ústelge Indýstrııa jáne ınfraqurylymdyq damý mınıstriniń orynbasary Erjan Myrzabaev, Qorǵanys mınıstriniń orynbasary Rýslan Shpekbaev, Shekara qyzmeti, Ulttyq ulan, «Qazaqstan ınjınırıng» UK» AQ jáne basqa da múddeli mekemelerdiń ókilderi de qatysty.

Sońǵy jańalyqtar

Astanada «Vaitursynuly.kz» saıtynyń tusaýkeseri ótti

Ahmet Baıtursynuly • 03 Aqpan, 2023

Tarazda tórt jasar balany toq soqty

Qoǵam • 03 Aqpan, 2023

Prezıdent qolónershiler kórmesin aralady

Prezıdent • 03 Aqpan, 2023

Uqsas jańalyqtar