Medısına • 09 Jeltoqsan, 2022

Elordada ǵylymı-praktıkalyq konferensııa jumysyn bastady

127 ret kórsetildi

Búgin elordada «Ambýlatorııalyq kezeńde akýsherlik - gınekologııalyq kómek kórsetýdegi mýltıdıssıplınarlyq tásil» atty ǵylymı-praktıkalyq konferensııa jumysyn bastady, dep jazady Egemen.kz.

Is-sharany Astana Medısına Ýnıversıteti elordalyq akýsher-gınekologtar Federasııasymen birlesip uıymdastyrdy.

Konferensııa barysynda mynadaı ózekti máseleler talqylanady:

  • Ártúrli aýrýlar kezinde júkti áıelderge antenataldy kómek kórsetýdiń keshendi tásili
  • Pregravıdaldy daıyndyq jáne uryqtyń týa bitken aqaýlary men hromosomalyq aýytqýlardy azaıtý joldary
  • Bedeýlikti dıagnostıkalaý men emdeýdiń zamanaýı tásili
  • Erler men áıelderdiń densaýlyq jaǵdaıy.
  • Túsik túsirý jáne olardyń reprodýktıvti densaýlyqqa áseri.
  • Gınekologııalyq Endokrınologııa máseleleri

Konferensııa jumysyna Qazaqstannyń jetekshi qaýymdastyqtary, otandyq jáne sheteldik sarapshylar: densaýlyq saqtaýdy uıymdastyrýshylar, akýsher-gınekologtar, reprodýktologtar, embrıologtar, jalpy praktıka dárigerleri, terapevtter, endokrınologtar, ýroandrologtar, bastapqy býyn onkologtary, kópsalaly stasıonarlar, Adam reprodýksııasy klınıkalary, beıindi respýblıkalyq klınıkalar men medısınalyq JOO-lar qatysady. 

Astana Medısına Ýnıversıtetiniń № 1 Akýsherlik jáne gınekologııa kafedrasynyń meńgerýshisi, Astana qalasy Qoǵamdyq densaýlyq saqtaý basqarmasynyń bas akýsher-gınekology, professor Zaıtýna Hamıdýllınanyń aıtýynsha, gınekologııalyq aýrýlar, ana men bala óliminiń jıileýi, bedeý juptar men túsik tastaýdyń ulǵaıýyna baılanysty atalǵan  konferensııany ótkizý der kezinde ári óte mańyzdy bolyp otyr.

588

Konferensııa eki kúnge sozylady, onyń barysynda sarapshylar MSAK-tyń negizgi bazalyq sıpattamalaryn jáne negizgi 4 atrıbýtty qoldaý qajet bolatyn barlyq bastapqy býyn mamandary úshin is-sharalardy anyqtaý máselelerin talqylaıdy, atap aıtqanda: óńirler men respýblıka deńgeıinde halyqtyń reprodýktıvti densaýlyǵyn arttyrýdyń kópsalaly tásilderin ázirleý maqsatynda bastapqy baılanys, úzdiksizdik, qamtý jáne úılestirý.

Sońǵy jańalyqtar

Astanada «Vaitursynuly.kz» saıtynyń tusaýkeseri ótti

Ahmet Baıtursynuly • 03 Aqpan, 2023

Tarazda tórt jasar balany toq soqty

Qoǵam • 03 Aqpan, 2023

Prezıdent qolónershiler kórmesin aralady

Prezıdent • 03 Aqpan, 2023

Uqsas jańalyqtar