О́rt týraly habarlama «101» pýltine 10 jeltoqsan kúni saǵat 17:57-de túsken. Pavlodar oblysy Tótenshe jaǵdaılar departamentiniń baspasóz qyzmeti habarlaǵandaı, eki qabatty kirpishten qalanǵan jeke turǵyn úıdiń birinshi qabatynda eki kreslo, bıik oryndyq, kilem, sondaı-aq ekinshi qabatqa aparatyn aǵash baspaldaq órtendi.
«Barlaý kezinde zaldan 2021 jyly týǵan balanyń kúıip ketken denesi tabyldy», dedi Pavlodar qalalyq TJD bastyǵynyń orynbasary Tilekjan Ǵalıamov.
О́rt kezinde úıde bir jasar baladan basqa 5 jasar bala men 14 jastaǵy qyz bala bolǵan.
О́rt 18:32-de oqshaýlandy, 18:47-de órt joıyldy. О́rtti sóndirýge 5 birlik tehnıka men 16 adam jumyldyryldy.
