Kitapqa aqynnyń ǵylymı zertteýleri, tanymal ánderi, áriptesteri men jaqyndarynyń estelikteri engen.
Is-sharaǵa memleket jáne qoǵam qaıratkerleri, zııaly qaýym, jary Jumagúl Sarıeva men uly, Prezıdent Keńsesiniń bastyǵy Baqytjan Shómishbaıuly, qalalyq ákimdiktiń ókilderi, aqyn-jazýshylar qatysty.
«Qalamǵa júıriktigimen óz ortasyna erte tanyla bastaǵan Shómishbaı Sarıev ustazy Zeınolla Shúkirovtiń qamqorlyǵymen ulttyq ýnıversıtettiń jýrnalıstıka fakýltetine oqýǵa tústi. «Qazaqstan» baspasynda redaktor, «Juldyz» jýrnalynda bólim meńgerýshisi, M.Áýezov atyndaǵy Ádebıet jáne óner ınstıtýtynda ǵylymı qyzmetker, aǵa ǵylymı qyzmetker boldy. О́z ortasyna qarymdy qalamynan týǵan jyrlarymen tez tanyla bastaǵan Shómishbaı Sarıev qazaq jýrnalıstıkasynda erekshe qoltańbasyn qaldyryp, tól ádebıetimizdi ǵylymı turǵyda zerttep, zerdeleýge ólsheýsiz úles qosty. Ǵalym retinde 50-shi, 60-shy, 70-jyldardaǵy qazaq aqyndarynyń shyǵarmashylyǵyn taldady. Táýelsizdik kezeńindegi qazaq poezııasynyń jańa býyn ókilderi týraly da zertteýler júrgizdi. Búginde óleńderi ánge aınalyp, tyńdarman qaýymnyń júregine jetti» dep atap ótti jıyndy ashqan rektor Janseıit Túımebaev.
Zertteýshi-ǵalym, Birinshi dárejeli «Barys» jáne «Parasat» ordenderiniń, Táýelsiz Tarlan syılyǵynyń ıegeri, Frans Kafka atyndaǵy halyqaralyq altyn medaliniń ıegeri, qazaq poezııasynda, ádebıettaný ǵylymynda erekshe qoltańba qaldyrǵan Shómishbaı Sarıevtiń shyǵarmashylyǵy haqynda Qazaqstan jazýshylar odaǵy basqarmasy tóraǵasynyń orynbasary, aqyn Baýyrjan Jaqyp: «Shómishbaı – qos qanatty aqyn. Birinshisi, lırıkalyq jyrlary bolsa, ekinshisi – án-óleńderi. Poezııanyń eki salasy aqynnyń qos qanatyna aınalǵan», dep aqyn Ǵafý Qaıyrbekov joǵary baǵa bergen. M.Maqataev, Q.Myrza Áli, T.Moldaǵalıev, J.Nájimedenov, S.Jıenbaev, T.Aıbergenov, M.Shahanovtyń shyǵarmalaryna tereń taldaýlar jasady. «Shómishbaı Sarıev – HH-HHI ǵasyrlardaǵy qazaq poezııasyn joǵary kótergen tulǵalardyń biri. Bolmysy bólek bolatyn. Aqynnyń qalamynan týǵan óleńderi men ánderi halyq jadynda máńgi saqtalady. Sondyqtan da Shómishbaı Naǵashybaıulynyń esimi qazaq ádebıetinde altyn árippen jazylyp qaldy», dep oı tolǵady.
Aqynnyń mýzykalyq murasy 300-den astam ásem áýezdi ánmen, el jadynda qalar jaqutty shyǵarmalarmen tolyqty. Talaı ánniń de, ánshiniń de baǵyn ashqan ánderi áli kúnge úlken sahnalarda shyrqalyp keledi.
Osy jıynda sóz alǵan Qazaqstannyń eńbek sińirgen qaıratkeri, ardager dıktor Saýyq Jaqanova qatysýshylarǵa Shómishbaı Sarıevtiń óleńderin mánerlep oqyp, áýezdi únimen ár berse, M.Áýezov atyndaǵy Ádebıet jáne óner ınstıtýtynyń aǵa ǵylymı qyzmetkeri Gúljahan Orda aqynnyń ǵylymı shyǵarmashylyǵy týraly esteligimen bólisti. «60-70-shi jyldar poezııasynan kandıdattyq dıssertasııa qorǵap, Táýelsizdik jyldaryndaǵy ádebıetti zertteýge kiristi. Abaı dástúriniń, Mahambet dástúriniń qazirgi poezııadaǵy jalǵasyna qatysty úlken zertteýlerge qulash sermedi.HH-HI ǵasyr poezııasy týraly tyńǵylyqty zertteý jasaǵan ǵalymnyń atameken, týǵan jer, el týraly óleńderi Qazaqstan degen keń uǵymǵa jalǵasyp, qazirgi qazaq poezııasynan ózindik ornyn aldy», dep atap ótti G.Orda.
Aqyn shákirtteriniń estelikterimen jalǵasyn tapqan jıynda Qazaqstannyń eńbek sińirgen qaıratkeri Estaı Álikeev ustazyna degen arnaýyn oqysa, Medeý Arynbaev «Atameken», «Dáýren-aı» jáne jas ánshi Ermek Bereket el arasynda tanymal bolyp ketken «Qaraǵym-aı» ánin oryndap, qatysýshylardy tánti etti.
Aqynnyń jary Jumagúl Sarıeva áserli kesh uıymdastyrǵan QazUÝ basshylyǵyna rızashylyǵyn bildirip, qara shańyraqtyń aqyn ómirindegi orny erekshe ekenin atap ótti. Búginde aqyn shyǵarmashylyǵyna arnalǵan 30-dan astam kitap jaryq kórgen, al «Ǵıbratty ǵumyr» serııasymen basylyp shyqqan bul kitaptyń orny tipten erekshe. «Qazaq ulttyq ýnıversıtetin bitirip, myqty oqytýshylardan sabaq aldy. О́miriniń sońyna deıin QazUÝ-da ótken stýdenttik kezderin saǵynyshpen eske alyp, esinen esh ýaqytta shyǵarǵan emes. Shómishbaı únemi aýzynan tastamaı aıtyp otyratyn bilim ordasy búgin úlken kesh ótkizip, aqynnyń ómiri men shyǵarmashylyǵyna arnalǵan kitapty jaryqqa shyǵaryp otyr», dedi Jumagúl Qajenqyzy.
Qazaq ádebıetinde óz poezııa álemin qalyptastyrǵan aqynnyń óleńderi tyńdarmanyn tánti etip, oqyrmanyn oıǵa jetelep keledi. Búginde ult rýhanııatynda ózindik oryn alǵan aqyn murasy júrekten-júrekke jete beretini sózsiz.
ALMATY
