Mamandardyń aıtýynsha, oqýshy sómkesiniń shamadan tys aýyrlyǵyna baılanysty bul bastama Úkimette kópten beri talqylanyp keledi. Dárigerlerdiń qorytyndysyna sáıkes, qazirgi kezde Qazaqstandaǵy árbir úshinshi balada skolıoz nemese omyrtqanyń basqa da aqaýy bar. Sebebi, búginde bastaýysh synyp oqýshysy sómkesiniń salmaǵy normadaǵy 3,5 kılonyń ornyna orta eseppen 5-7 kılodan keledi.
Oqý-aǵartý mınıstrligi bul sheshim tym aýyr portfel máselesin sheshýmen qatar, oqý prosesin jaqsartýǵa, balalardyń erte jastan kompıýterlik saýattylyǵyn damytýǵa, olardyń Azııa men Eýropanyń damyǵan elderiniń úlgisimen sıfrlyq gadjettermen jumys isteýge beıimdelýine yqpal etetinin málimdeıdi.
Biz óz tarapymyzdan taǵy bir qyzyqty nárseni bildik. Qazaqstanda eýropalyq mamandardyń kómegimen jasalǵan «TopIQ.KZ» sapaly bilim berý platformasy qazirdiń ózinde bar eken. Bul jobaǵa 23 jyldan beri mektep oqýlyqtaryn shyǵaryp kele jatqan «Almaty kitap baspasy» baspa kompanııasy bastamashy bolǵan eken.
«Almaty kitap baspasynyń» bas dırektory Gaýhar Saımasaeva: «Biz zaman aǵymyna ilesip, sıfrlandyrýdyń bilim salasyna da enip kele jatqanyn anyq túsinemiz. Búkil órkenıetti álemde bilim berý modýlderi qazirdiń ózinde 100 paıyz sıfrlandyrylǵan jáne bul birqatar artyqshylyqqa ıe. «TopIQ.kz» platformasy – bilim berý júıesindegi jańa standart. Balalardyń aýdıo jáne vıdeo faıldardy paıdalana otyryp oqýlaryna múmkindik týady, oıyn, ınteraktıvti nysan jáne t.b. jıi qoldanylady», deıdi.
Biraq tutastaı alǵanda, «TopIQ.KZ» barshaǵa úırenshikti, tek elektrondy nusqadaǵy mektep oqýlyǵy ekenin atap ótken jón. Bul platforma qazirdiń ózinde elimizdiń keıbir óńirlerinde qoldanylyp otyr jáne mektepter men muǵalimder arasynda kúnnen-kúnge tanymal bola túsýde. Mamandardyń aıtýynsha, elektrondy oqýlyqtyń taǵy bir artyqshylyǵy – bilim berý mazmunyn tez jańartyp, túzete alatyndyǵy.
Qazaqstan sıfrlandyrý jolymen qaryshtap alǵa basýyn jalǵastyryp keledi. Al bizdiń osy saladaǵy erteńgi jetistikterimiz balalarymyzdyń búgingi bilim alýynan bastalatynyn túsiný mańyzdy. Biz osy memlekettik baǵdarlamanyń iske asyrylýyn muqııat qadaǵalaıtyn bolamyz.
