8 jeltoqsanda Esirtki qylmysyna qarsy is-qımyl basqarmasynyń qyzmetkerleri jedel-izdestirý is-sharalaryn júrgizý barysynda Turar Rysqulov aýdanynyń Qyzylsharýa aýylynan 60 shaqyrym qashyqtyqtaǵy qumdy aýmaqta 47 jastaǵy júrgizýshiniń basqarýyndaǵy Vaz-2121 avtokóligin toqtatqan. Avtokólikti tekserý kezinde júk salǵyshtan eki qapshyq gashısh esirtki zaty tabylǵan. Odan bólek, sol orynnan 2 shaqyrym qashyqtyqta sellofannan eki kúrkeshe jasap, 36 qap marıhýana men 1 qap gashısh esirtki zattaryn jınap qoıǵany anyqtaldy.
– Qazirgi ýaqytta atalǵan derek boıynsha Qazaqstan Respýblıkasy Qylmystyq kodeksiniń 296-baby 4-bóligimen (Esirtki, psıhotroptyq zattarmen, sol tektestermen ótkizý maqsatynsyz zańsyz jumys isteý) boıynsha sotqa deıingi tergep-tekserý amaldary bastaldy. Ustalǵan 47 jáne 30 jastaǵy kúdiktiler óz kinálerin tolyq moıyndap, ýaqytsha ustaý ızolıatoryna qamaýǵa alyndy, – dedi Jambyl oblysynyń Polısııa departamenti Esirtki qylmysyna qarsy is-qımyl basqarmasynyń bastyǵy Álim Bajyqbaev
