Jarysqa qatysqannyń bári – jeńimpaz

Áý basta komandalar jerebege saı eki topqa bólindi. «A» tobynda «7 arna», «Aı­qyn» gazeti, «Qazcontent» agent­tigi men «Kommentator» komandalary oınady. Al «V» tobynda «Egemen Qazaqstan» komandasynan bólek, ár maý­symda BAQ lıganyń chem­pıony atanyp júrgen «Ata­meken business» telear­nasy, «Habar» agenttigi men «Qazmedıa» ortalyǵy óner kórsetti. Jerebeden keıin «Ajal toby» atanǵan top­taǵy myqty ujymdarǵa ege­mendikter aıtarlyqtaı qar­sylyq kórsetti. О́kinishke qaraı, Ásker Pırıev bas­­taǵan egemendikter óz múm­kin­dik­terin tıimdi paıdalana almaı, qarsylastarynyń esep­te alǵa shyǵýyna jol berdi. Mysaly, «Atameken business» ujymyna qarsy shyq­­qan Ásker Pırıev, Oral­han Ah­madııa, Baný Ádil­jan, Rıza Abaı syndy árip­testerimiz óte kúrdeli partııa­larda as­qan sheberlikpen oınady. Al «Habarǵa» qarsy oıyn­da Amangeldi Qııas, Almas Ma­nap, Farhat Qaıratuly, Sáýle Meńdiqulova, Jupar Dár­menbekova bastaǵan ekin­shi quramamyzdyń al­ǵashqy upaı enshileýine múmkindigi bolyp edi. Átteń, bul joly egemendikterge jerebe joldas bolmady.

Osylaısha, qos toptan jartylaı fınalǵa «Qazmedıa», «7 arna», «Qazcontent» jáne «Atameken business» komandalary sýyrylyp shyqty. Al bas júldege «Qazmedıa» men «Qazcontent» talasty. О́te tartysty ótken oıyn eki setpen aıaqtalsa da, komandalar aıanyp qalǵan joq. Sońyna deıin qaı-qaısysynyń je­ńim­paz bolary belgisiz bol­dy. Degenmen bas kýbok «Qazmedıa» ujymyna bu­ıyrdy. Ekinshi oryndy «Qazcontent» oıynshylary enshilese, úshinshi oryndy «Ata­meken business» komandasy ıelendi. Al jubanysh júl­desin «7 arna» mise tutty.

BAQ ókilderiniń basyn qosqan týrnırde eshbir komanda quralaqan qalǵan joq. Chempıondar – 300 myń teń­gege, 2-oryn ıegeri – 200 myń teńgege, al úzdik úshtikti tú­ıin­degen ujym 100 myń teń­gege ıe boldy. Tipti 4-oryn al­ǵan komandaǵa da ju­­banysh re­tinde 70 myń teń­ge­niń sertı­fı­katy berildi. Sondaı-aq alty atalym boıyn­sha er­ler ara­syndaǵy úzdik oıynshy – Esenbol Iman­ǵazy («Habar»), qyzdar ara­syndaǵy úzdik oıyn­shy – Ásem Abdraımova («Qaz­me­dıa»), «Qurmet» atalymy «Ege­men Qazaqstan» gazeti bas dı­rektorynyń oryn­basary Ásker Pırıevke buıyr­­dy. Al úzdik shabýyldaý­shy Aıaý­lym Qanaǵatqa («Kom­mentator») buıyrsa, úzdik tos­qaýylshy dep Eldar Aman­baev («Qazcontent») tanyldy. Úzdik pas shyǵarýshy Anar Qonys («Aıqyn») bolsa, Zeınolla Sánik atyndaǵy arnaıy júl­deni Farıza Sar­janova («Qaz­medıa») ıelendi.