Mınıstrdiń aıtýynsha, QR Prezıdentiniń saılaýaldy baǵdarlamasynyń is-qımyl josparyna sáıkes, Mádenıet jáne sport mınıstrligi Qazaqstannyń tarıhı-mádenı murasynyń biregeı nysandaryn IýNESKO Búkilálemdik muralar tizimine nomınasııalaý boıynsha jumystar júrgizip jatyr.
2025 jylǵy jospar boıynsha IýNESKO tizimine engizý úshin «Uly Jibek joly: Ferǵana-Syrdarııa dálizi» transulttyq nomınasııasy ázirlenýde. Bul dáliz 6 obektini qamtıdy. Atap aıtqanda, Saýran, Otyrar, Iаsy, Jeti Asar, Jankent, Syǵanaq nysandary. Búginde atalǵan obektiler boıynsha nomınasııalyq qujattamalar daıyndalyp jatyr.
Qabyldanǵan sharalar nátıjesinde týrıster sany ulǵaıady dep kútilýde. Osy transulttyq nomınasııa boıynsha О́zbekstanmen, Qyrǵyzstanmen jáne Tájikstanmen birlesken jumystar júrgizilýde.
2021 jylǵy qarashada Úkimet Kreatıvti ındýstrııalardy damytýdyń 2025 jylǵa deıingi tujyrymdamasyn bekitti. Alaıda qujattyń jetildiretin tustary kóp. Búginge deıin ýákiletti organnyń quzireti anyqtalmaǵan.
Osy oraıda Mádenıet jáne sport mınıstrligi kreatıvti ındýstrııalar uǵymyn zańnamalyq bekitý, salany qoldaý quraldary sııaqty zańnamalyq ózgeristerdi engizý boıynsha bastamashylyq etti.
2023 jyldan bastap Qazaqtýrızm sheteldik naryqta kreatıvti sýbektilerdi qoldaý sharalaryn qabyldaýda, olardyń qatarynda:
1. Eýropa men Azııanyń 5 qalasyndaǵy zamanaýı óner kórmelerine qazaqstandyq sýretshilerdiń jumystaryn usyný;
2. Berlin Bazaar qolónershiler kórmesine qatysý;
3. Sheteldik galerısterdiń, aýksıon ókilderiniń qatysýymen Almaty qalasynda Art-jármeńke ótkizý bar.
«Qazaqstandyq juldyzdardy anyqtaý, sondaı-aq daryndy jáne talantty ókilderdi qoldaý maqsatynda Mádenıet jáne sport mınıstrlgi túrli janrdy qamtıtyn halyqaralyq konkýrstar men festıvaldar ótkizý kózdep otyr», dedi mınıstr Dáýren Abaev.
Olardyń qatarynda «Orteke» halyqaralyq qýyrshaq teatrlar festıvali, «Kóshpendiler áýeni» halyqaralyq etnıkalyq mýzyka festıvali, halyqaralyq skrıpkashylar konkýrsy, sondaı-aq «Operalııa» festıvali sııaqty iri sharalar bar. Barlyq baıqaý men festıvaldi ótkizý 2 000-ǵa jýyq jasty qamtýǵa jáne 500-ge jýyq talantty anyqtaýǵa múmkindik beredi.
