Onyń aıtýynsha, qazirgi ýaqytta 1071 adam raqymshylyqqa ilingen.
«Atap aıtqanda, tergeý organdary sotqa deıingi satyda aýyrlyǵy ortasha qylmystardy jasaǵan segiz kúdiktiniń ústinen qylmystyq qýdalaýdy toqtatty. Sot toǵyz adamǵa qatysty isti toqtatty, al 77 adamǵa qatysty jaza merzimi qysqardy», dedi Eldos Qılymjanov.
Sondaı-aq ol sottar 902 sottalýshynyń jaza merzimin qysqartqanyn, onyń ishinde 827-si shartty túrde, 75-i jazadan bosatylǵanyn aıtty.
О́tken aıda raqymshylyq aktisin qoldaný arqyly bas bostandyǵynan aıyrý oryndarynan 60 adam, probasııalyq baqylaýdan 68 adam bosatyldy.
