Buryn habarlaǵandaı, Halyqaralyq azamattyq avıasııa uıymy Assambleıasynyń 41-sessııasy aıasynda qazaqstandyq delegasııa Seıshel araldarynyń avıasııalyq bılik organdarymen kelissózder júrgizip, ózara túsinistik týraly memorandýmǵa qol qoıyldy.
«Osy jumystardyń nátıjesinde Air Seychelles 26 jeltoqsannan bastap Almaty – Mahe baǵyty boıynsha (Abý-Dabıge tehnıkalyq qonýmen) aptasyna 2 reıs jıiligimen beısenbi jáne jeksenbi kúnderi A 320 Neo áýe kemelerinde turaqty jolaýshylar reısin oryndaýdy josparlap otyr», delingen habarlamada.
Air Seychelles — shtab-páteri Seıshel araldarynyń halyqaralyq áýejaıynda (Mahe) ornalasqan Seıshel araldarynyń avıakompanııasy. Áýe kompanııasy 1977 jyly ishki reıster úshin qurylǵan. Air Seychelles 1983 jyldan beri halyqaralyq reısterdi oryndaıdy. Áýe kompanııasynyń parki 7 A 320 Neo, DHC-6 ushaǵynan turady. Air Seychelles áýe kompanııasy Tel-Avıvke (Izraıl), Iohannesbýrgke (Ońtústik Afrıka), Plain Magnien (Mavrıkı), Male (Maldıv araldary) jáne Bombeıge baǵyttalǵan (Úndistan) reısterdi oryndaıdy.
