Búgin saǵat 10.30 shamasynda Qostanaı-Qarabutaq avtojoldyń 275-shaqyrymynda jeńil avtokólik júrgizýshisi rólge ıe bola almady. Saldarynan júrgizýshi tizgindegen kólik qarsy qozǵalys jolaǵyna shyǵyp ketip, «Gazel» avtokóligimen soqtyǵysty. Sodan keıin eki kólik órtenip ketken.
Jeńil avtokólik júrgizýshisi men jolaýshy oqıǵa ornynda qaza tapty. «Gazel» júrgizýshisi aýrýhanaǵa jetkizildi.
Qamysty aýdandyq polısııa bóliminiń bastyǵy Erlan Mýsınniń aıtýynsha, qazirgi ýaqytta polısııa JKO faktisi boıynsha QR QK-niń 345-babynda kózdelgen «Jol qozǵalysy erejesin buzý» boıynsha sotqa deıingi tergeýdi bastady. Qajetti tergeý áreketteri júrgizilýde, qajetti saraptamalar taǵaıyndalady.
