Búgingi kúni memleket osy kúrdeli daqyldy ósirýge jumsalatyn shyǵyndardy ishinara sýbsıdııalaıdy. Sondaı-aq zaýyttarǵa tapsyrylǵan ónim sýbsıdııalanady. 2021 jyly óńirlerdegi qyzylsha ósirýshiler shamamen 3 mlrd teńge aldy.
2022 jyly sýbsıdııalaý normatıvi 3 myń teńgege ulǵaıyp, óńdeýge tapsyrylǵan qant qyzylshasynyń tonnasy úshin 15 myń teńgeni qurady. Zaýyttar shıkizatty tonnasyna 15 myń teńgeden satyp alady. Túptep kelgende, sharýalardyń ónimine 30 myń teńge tólenedi.
2023 jyldan bastap sýbsıdııalaý normatıvi 15 myń teńgeden 25 myń teńgege deıin ulǵaıtylady, sonyń arqasynda qyzylsha ósirýshiler óz óniminiń ár tonnasyn 40 myń teńgege satatyn bolady. Osylaısha, qant qyzylshasynyń rentabeldiligi basqa daqyldardyń deńgeıine jetkiziledi.
Budan bólek, qant salasyn damytýdy yntalandyrý sheńberinde ınvestısııalyq sýbsıdııalaý tizbesine jańa qant zaýyttarynyń qurylysy engizilmek, kapıtal salymdarynyń 25% memleket óteıdi.
Qyzylsha jınaıtyn kombaındar men sýarý tehnıkalaryn satyp alýǵa ótemaqy normatıvin 25%-dan 50%-ǵa deıin ulǵaıtý máselesi pysyqtalyp jatyr. Sýbsıdııalaýdyń jańa erejeleri 2023 jyldan bastap kúshine enedi dep kútilip otyr.
Aıta keteıik, 2026 jylǵa deıin qant salasyn damytý jónindegi keshendi jospardy iske asyrý aıasynda egistik alqaptaryn 38 myń gektarǵa deıin ulǵaıtý josparlanǵan.
