Bir kórme alańyna qoıylǵan Renata Mashekenova men Elena Serejechkınanyń týyndylary bir birimen tildesip turǵandaı kórinedi. Qylqalam qudiretimen toǵysqan eki kórkemdik tásil bir-birin tolyqtyra otyryp, kórermenderine jańa taqyryptardy ashady. Eki sýretshiniń de shyǵarmalaryna ortaq taqyryp – kóbelek. Sonshalyqty názik kóbelekterdiń beınesi ózgerý men qaıta túleýdiń nyshany ispetti. Kóptegen mádenıetterde kóbelek – jandy bildiredi. Jigeri myqty sýretshiler Renata men Elena óz kartınalary arqyly ishki álemin ashyp, kórermenderiniń nazary men empatııasynan úmitti ekendikterin jasyrmaıdy.
«Men 5 jasymnan sýret sala bastaǵanymmen, biraq sanaly túrde beıneleý ónerine 16 jasymda, maksımalızm men jasóspirimder daǵdarysy aıqyn kórine bastaǵanda keldim. Sýret salý syrtqy álemmen qarym-qatynas jasaý men emosııalar kórinisiniń ózindik ádisine aınaldy. Sondaı-aq sýret salý ózimdi kóbirek bilýge kómektesip, dúnıetanymyma belgili bir dárejede áser etti», deıdi «Kishkentaı adamnyń shyndyǵy» jobasyn usynǵan genetıkalyq erekshelikteri bar psıholog jáne sýretshi Elena Serejechkına.
Al Renata Mashekenova – psıhıkalyq damý erekshelikteri bar «Deıstvıe Býkvalno» ınklıýzıvti teatrynyń áýesqoı sýretshisi ári aktrısasy, 9 jasynan bastap sýret salady jáne óziniń shyǵarmashylyǵy arqyly álem men qorshaǵan ortany beıneleıtin jumystar jınaǵyn usynady.
«Maǵan meniń atamnyń sýretshi ekendigi unaıtyn, ol kisi ınternatta sýret salýdan dáris berdi. Meni beıneleý ónerine jetelegen de, sýret ónerimen tanystyrǵan da atam. Maǵan sýretterimdi elge kórsetip, olardyń tańdanysy men qolpashyna ıe bolý mańyzdy boldy», deıdi Renata Mashekenova.
Osy turǵydan kelgende Efes Art Space-tiń qyzmeti san alýan mádenı keńistigi de nazar aýdarýǵa turarlyq. Bul Efes Kazakhstan áleýmettik bastamasynyń arqasynda iske asyp jatqan, Almaty úshin biregeı jańa format. Demalys kúnderi kompanııa qaıyrymdylyq negizinde keńsesiniń birinshi qabatyn óner keńistigine aınaldyrady. 2022 jyldyń qyrkúıeginen bastap munda aı saıyn qazaqstandyq sýretshiler men art-ujymdardyń kórmeleri ótkiziledi. Ár demalys saıyn ony qajetsinetin jandar shyǵarmashylyq vorkshoptarǵa, sheberlik sabaqtaryna, óner boıynsha dáristerge qatysyp júr.
Osylaısha kompanııa óz bastamasy arqyly qylqalam sheberleri men talantty óner qaıratkerlerin shabyttandyryp, jarqyn ıdeıalaryna qoldaý kórsetip, jas talanttardyń da ózin kórsetýlerine jol ashyp berip otyr.
