Energetıka mınıstrligi basshysynyń aıtýynsha, qyzyl aımaqta ornalasqan JEO-lar úshin kelesi jylytý maýsymynda táýekelderdi barynsha azaıtý maqsatynda negizgi jabdyqtardy kúrdeli jóndeý, 98 qazandyqty, 54 týrbınany qaıta qurý, jańǵyrtý jumystarynyń kólemi anyqtaldy.
Aldyn ala esepteýler boıynsha joǵaryda atalǵan jumystar 182 mlrd teńge kóleminde qarjylandyrýdy qajet etedi, iske asyrý merzimi 2023 jyl. Elektr jáne jylý energııasyna bekitilgen tarıfterdi eskere otyryp, energııa óndirýshi uıymdardy jóndeýge qarastyrylǵan qarajat 93 mlrd teńgeni quraıdy.
«Qazirgi tańda bekitilgen tarıfter aıasynda elektr jáne jylý energııasyn satýdan túsken elektr stansııalarynyń kirisi tolyq jóndeý jumystaryna ketken shyǵyndy óteı almaıdy. Osylaısha, jetkiliksiz qarjylandyrý kólemi 88 mıllıard teńgeni qurap otyr», dep atap ótti B. Aqsholaqov.
Ol joǵaryda atalǵan jumystardy júzege asyrý úshin kommýnaldyq jáne kvazımemlekettik menshiktegi 12 JEO-ny memlekettik bıýdjetten, al 22 jeke JEO-ny menshik ıesiniń esebinen qarjylandyrý usynylyp otyrǵanyn aıtty.
Energetıka mınıstrliginiń habarlaýynsha, Memleket basshysynyń tapsyrmasymen qurylǵan arnaıy komıssııa aıasynda JEO-nyń tehnıkalyq jaǵdaıyn taldaý aıaqtaldy. Búginde elimizde bar bolǵany 37 JEO bar, onyń 19-y qyzyl aımaqqa, 11-i sary aımaqqa, jeteýi jasyl aımaqqa engizilgen.
