14-21 jeltoqsan aralyǵyna josparlanǵan sapar aıasynda 50-ge jýyq oqytýshy-professorlar Aqteńiz, Bilim ýnıversıtetteriniń qyzmetimen tanysyp, biliktilik arttyrady.
Delegasııa quramynda komendant, is basqarmasy, óndiristik seh, kitaphana, art ortalyǵynyń qyzmetkerleri, IT mamandar men jýrnalıster bar.
Aqteńiz ýnıversıteti – Túrkııadaǵy jetekshi joǵary oqý oryndarynyń biri. Túrkııada akademııalyq zertteýler negizinde jazylǵan ǵylymı maqalalar boıynsha Aqteńiz ýnıversıteti úzdik bestikke kiredi.
Jerorta teńiziniń jaǵalaýynda ornalasqan ýnıversıtet kampýsynda 250-den asa ǵımarat bar. Bilim ordasynyń ǵylymı-tehnologııalyq bazasy joǵary múmkindikterge ıe. Sondaı-aq logıstıkalyq kommýnıkasııasy jolǵa qoıylǵan.
QazUÝ ujymy túrik joǵary bilim berý júıesimen etene tanysyp, oqý úderisin uıymdastyrý boıynsha tájirıbe almasady. Sonymen qatar zamanaýı bilim berý, ınnovasııalyq ázirlemeler men oqytýdaǵy ozyq tehnologııalar taqyrybynda trenıngterge qatysady. Sondaı-aq issapar barysynda birlesken bilim berý baǵdarlamalar men jobalardy iske asyrý boıynsha áriptestikti odan ári nyǵaıtý kózdelýde.
QazUÝ delegasııasymen kezdesýde Aqteńiz ýnıversıtetiniń Densaýlyq saqtaý salasyn basqarý isi kafedrasynyń meńgerýshisi Mustafa Choban sóz sóılep, aldaǵy ýaqytta da QazUÝ men Aqteńiz ýnıversıteti arasynda birlesken jobalar júzege asatynyn jetkizdi.
«Aqteńiz ýnıversıteti – Túrkııadaǵy eń úlken ýnıversıtet. Ál-Farabı atyndaǵy Qazaq ulttyq ýnıversıtetimen aldaǵy ýaqytta stýdentterge ǵylymı jetekshilik etetin kóptegen aýqymdy jobalardy júzege asyrýdy josparlap otyrmyz. Máselen, Aqteńiz ýnıversıteti medısına salasynda aýqymdy jetistikterge ıe, súıekke, betke plastıkalyq ota jasaý myqty jolǵa qoıylǵan. Tipti, plastıkalyq ota arqyly bedeýlikke ushyraǵan áıelderge ana bolý baqytyn syılaıdy. Týberkýlezdi zertteıtin arnaýly ortalyq jumys isteıdi», dedi Mustafa Choban.
