Kókshetaýda «AMANAT» partııasy Aqmola oblystyq fılıalynyń kezekten tys XXXVIII konferensııasy ótti. Konferensııa delegattary ashyq daýys berý arqyly Aına Mysyrálimovany partııa fılıalynyń tóraǵasy retinde saılady.
Ol óz sózinde partııanyń aımaqtaǵy saılaýaldy ýádeleriniń oryndalý barysyna toqtaldy. Máselen, byltyr oblysta 18 myńnan astam jańa jumys orny quryldy, 70 bilim berý uıymynda jóndeý júrgizildi, Qosshy qalasynda 1200 oryndyq mektep paıdalanýǵa berildi, «Shýchınsk – Stepnıak – Ýálıhanov» jáne «Astana qalasynyń Shyǵys aınalma joly – Saryoba stansasy» syndy oblystyq mańyzy bar 2 avtojolǵa kúrdeli jóndeý júrgizildi.
«Mobıldi qoǵamdyq qabyldaý bólmeleri shalǵaıdaǵy eldi mekenderge 40-tan astam sapar jasady. Qoǵamdyq qabyldaýlarǵa jyl basynan beri barlyǵy 7 myńǵa jýyq ótinish kelip tústi. Ereımentaý qalasynda dene shynyqtyrý-saýyqtyrý kesheni, Esil qalasynda hokkeı korty salyndy. Oblystyq «Jer amanaty» komıssııasynyń aralasýymen óńirde 300 myń gektardan astam jer memleket menshigine qaıtaryldy», dedi Aına Mysyrálimova.
Osyndaı konferensııa «AMANAT»-tyń Pavlodar oblystyq fılıalynda da ótti. Fılıaldyń jańa tóraǵasy bolyp Ilıa Terenchenko saılandy. Ol jyl basynan beri oblysta partııa baǵdarlamasyn júzege asyrý sheńberinde 20 myńǵa jýyq jumys orny qurylǵanyn, eńbek kúshi artyq óńirlerden Pavlodar oblysyna 2 myńnan astam adam kóship kelgenin, bıylǵy 10 aıdyń qorytyndysy boıynsha 220 myń sharshy metr turǵyn úı turǵyzylǵanyn atap ótti.
«Bastaýysh partııa uıymdarynyń paıdasyna partııalyq jarnalardyń 20%-yn qaıtarý týraly normany engize otyryp, demeýshilik uıymdarmen birlesip bıyl jazda 100-den astam zeınetker úshin sanatorly-kýrorttyq demalys uıymdastyryldy. Áleýmettik mańyzy bar azyq-túlik ónimderiniń baǵasyn baqylaý maqsatynda partııalyq 14 monıtorıng toby quryldy. Búginde bas-aıaǵy 317 reıd júrgizildi», dedi Ilıa Terenchenko.
Jańadan qurylǵan Abaı oblysyndaǵy partııalyqtar da shet qalmady. О́ńirlik fılıal bıyl qyrkúıek aıynda qurylǵanyna qaramastan, «AMANAT»-qa 3 myńǵa jýyq adam júginip, 1 myńnan astam ret azamattar qabyldandy. Partııanyń saılaýaldy ýádelerin oryndaý aıasynda Aqsýat aýylynda dene shynyqtyrý-saýyqtyrý kesheni salyndy. Aqsýat aýdanynda 3 mektepke kúrdeli jóndeý júrgizildi jáne t.b.
Konferensııaǵa qatysqan delegattardyń ashyq daýys berýimen partııanyń Abaı oblystyq fılıalynyń tóraǵasy bolyp Qýanysh Súleımenov saılandy.
