Komıssııanyń jumysyn ashqan Máýlen Áshimbaev qazirgi tańda Qazaqstan men О́zbekstan arasyndaǵy dostyq pen tatý kórshilikke negizdelgen baılanys syndarly jáne senimdi dıalog qurýǵa múmkindik bergenin atap ótti.
«Búginde bizdiń memleketterimizdiń basshylary yntymaqtastyq pen ózara is-qımyldyń joǵary úlgisin kórsetip keledi. Qazaqstan Prezıdenti Qasym-Jomart Kemeluly Toqaev óziniń Memleket basshysy retindegi alǵashqy saparyn baýyrlas О́zbekstan elinen bastaýy zor mánge ıe. Sondaı-aq 2021 jylǵy jeltoqsan aıynda О́zbekstan Prezıdenti Shavhat Mırzıeevtiń Qazaqstanǵa jasaǵan memlekettik saparynyń nátıjesinde bizdiń seriktestigimiz odaqtastyq qarym-qatynas deńgeıine kóterildi. Bizdiń Palatalarymyz arasyndaǵy Yntymaqtastyq jónindegi komıssııa da belsendi jumys istep keledi. Osy rette Komıssııanyń eki teń tóraǵasynyń nátıjeli qyzmetin erekshe atap ótkim keledi», dedi Máýlen Áshimbaev.
Eki el Parlamentteri Senattarynyń tóraǵalary Komıssııa jumysyn oń baǵalap, qol jetkizilgen joǵary sapa Palatalar arasyndaǵy ózara is-qımyldyń mańyzyn odan ári arttyra túsetinin atap ótti.
Otyrys kezinde senatorlar Aral problemasyna, onyń saldaryn joıýǵa qatysty birlesken jumysqa basa mán berdi.
«Birikken Ulttar Uıymy jáne barlyq álemdik qoǵamdastyq Araldyń qurǵaýyn qazirgi tańdaǵy jahandyq ekologııalyq problemalardyń biri retinde atady. Qazaqstan men О́zbekstan Aral óńirindegi jaǵdaıdy aıtarlyqtaı turaqtandyrýǵa múmkindik beretin tıisti sharalardy jáne jobalardy iske asyrýda. Búgingi otyrys kezinde bizdiń depýtat áriptesterimiz Aral problemasyn sheshý jolynda Parlamentterimiz tarapynan atqarylatyn birlesken jumysqa qatysty tyń ıdeıalar men usynystaryn ortaǵa salady dep úmittenemiz», dedi Máýlen Áshimbaev.
Sonymen qatar Komıssııa otyrysynda senatorlar Qazaqstan men О́zbekstan arasyndaǵy óńiraralyq jáne shekara mańyndaǵy yntymaqtastyqty damytý, eki el qalalarynyń baýyrlastyq baılanystaryn nyǵaıtý máselelerin talqylady.
О́z kezeginde Tanzıla Narbaeva parlamentaralyq yntymaqtastyqty qalyptastyrý jolynda júıeli jumys júrgizgen Qazaqstanǵa alǵysyn bildirdi.
Otyrysta saılaýdy baqylaý jónindegi monıtorıngtik mıssııalar kezinde halyqaralyq uıymdar aıasyndaǵy birlesken jumys barysy da sóz boldy. Odan bólek, 2021-2022 jyldarǵa arnalǵan Parlamentaralyq yntymaqtastyqty damytý jónindegi jol kartasy qorytyndylandy.
Kezdesý sońynda eki el Parlamentiniń ókilderi Aral problemasynyń saldaryn joıýǵa, týrızmdi damytý, sý resýrstaryn basqarý, Ortalyq Azııa óńirinde qaýipsizdikti qamtamasyz etý jáne ózara is-qımyldyń basqa da ózekti baǵyttary boıynsha jumystarǵa parlamentshilerdiń odan ári qatysýyn kózdeıtin usynystar keshenin ázirledi.
