Onda bıýdjetaralyq qatynastardy reformalaý, jańashyldar ındýstrııasyn damytýdy yntalandyrý jáne memlekettik-jekeshelik áriptestik júıesin jetildirý máseleleri kózdelip otyr. Ol jańalyqtar «Qazaqstan Respýblıkasynyń keıbir zańnamalyq aktilerine Memleket basshysynyń jekelegen tapsyrmalaryn iske asyrý máseleleri boıynsha ózgerister men tolyqtyrýlar engizý týraly» zań jobasynda qaralǵan bolatyn. Memleket basshysynyń tapsyrmasy boıynsha ázirlengen qujat óńirlerdiń qarjylyq derbestigin kúsheıtýge, memlekettik-jekeshelik áriptestik jobalaryn josparlaý men iske asyrý prosesiniń ashyqtyǵy qaǵıdatyn engizýge múmkindik beredi.
«Qazaqstan Respýblıkasynyń keıbir konstıtýsııalyq zańdaryna ózgerister men tolyqtyrýlar engizý týraly» zań jobasy sottar men sot ákimshiliginiń qyzmetin jetildirýge, qarjy salasyndaǵy ınnovasııalardy damytýdaǵy negizgi tuǵyrnama retinde «Astana» halyqaralyq qarjy ortalyǵynyń odan ári qalyptasýy men damýyn qamtamasyz etýge baǵyttalǵan.
Parlamentshiler zań jobasy qabyldanǵanda elimizdegi sot júıesin barlyq deńgeıde jetildirýge múmkindik týady jáne sot ákimshiligin jańǵyrtýǵa yqpal etedi dep sanaıdy.
Depýtattar komıtettiń keńeıtilgen otyrysynyń qorytyndysy boıynsha zań jobalaryn palatanyń qaraýyna jiberý týraly sheshim qabyldady.
