21 jeltoqsanda saǵat 17:13-te «102» jedel arnasyna 26 jastaǵy jergilikti turǵynnan qońyraý kelip tústi. Ol 5 jasar ulyn izdeýge kómek suraǵan. Áıeldiń aıtýynsha, bala kólikten shyǵyp, belgisiz baǵytqa qashyp ketken. Habarlamany alǵannan keıin polısııa qyzmetkerleri joǵalǵan balany izdeýge dereý kiristi.
Balany dabyl boıynsha izdeý maqsatynda О́skemen qalasy PB barlyq jeke quramy kóterildi. Tártip saqshylary ol týraly qandaı da bir aqparat biletin tanystary men kýágerlerden suraý júrgizdi. Qalanyń barlyq kóshelerindegi beınebaqylaý kameralarynyń jazbasyn qaraý uıymdastyryldy.
– 15 mınýttan keıin Boran-1 patrýldik ekıpajynyń qyzmetkerleri Damır Aýǵanbaev pen Jasulan Dáýlethanov M. Gorkıı kóshesinde ornalasqan ýnıversıtettiń mańynan joǵalǵan balany tapty. Polıseıler tabylǵan balany aman-esen anasyna tapsyrdy, – dep málimdedi О́skemen qalasy PB bastyǵy Andreı Mýla.
Tabylǵan balanyń anasy О́skemen qalasy PB qyzmetkerlerine jáne izdestirýge qatysqan barlyq azamattarǵa kórsetken kómegi úshin alǵys bildirdi.
