Olardyń ishinde jetim balalar, erekshe qajettilikteri bar balalar, ata-anasynyń qamqorlyǵynsyz qalǵan, áleýmettik az qamtylǵan, sol sııaqty kópbalaly otbasylardan shyqqan balalar, oqýda, sportta, shyǵarmashylyqta jetistikterge jetken daryndy balalar bar.
Balalarǵa arnalǵan túrli-tústi shoý-qoıylym, mýltfılm keıipkerleri jáne sýper qaharmandardyń qatysýymen oıyn-saýyq baǵdarlamasy uıymdastyryldy. Sondaı-aq balalarǵa kıim-keshek, sport dorbasy, oıynshyqtary bar tátti syılyqtar satyp alý úshin sertıfıkat tapsyryldy.
Astana ákimi Jeńis Qasymbek balalardy kele jatqan Jańa jyl merekesimen quttyqtady.
«Kele jatqan Jańa jyl merekesimen quttyqtaımyn! Árbir otbasyǵa, ár balaǵa zor densaýlyq, baqyt, tabys tileımin. Búgingi shyrsha toıy balalarymyz úshin arnaıy uıymdastyryldy. Memleket basshysynyń tapsyrmasy boıynsha bıyl Balalar jyly bolyp jarııalanǵan bolatyn. Memleket balalarymyz ben olardyń ata-analaryna jaǵdaı jasaý úshin aıanbaı eńbek etip jatyr.
Eldiń bolashaǵy – búgingi balalardyń qolynda. Balalar bir jyl boıy baryn saldy, oqýda ozat boldy. Tilekterińizdiń oryndalýyn, aldaǵy josparlaryńyzdyń iske asýyn tileımin. Jańa jyl qutty bolsyn!», dedi elorda ákimi Jeńis Qasymbek.
Jańa jyl qarsańynda elordalyq balalar úshin aýdan ákimdikterinde shyrsha toıy ótkiziledi.
